MAZMUR 115:16 - Alkitab Singog In Mongondow Masa In Tanaa

¹⁶ Ḷangit in tongábí ki Tuhan in kitogi, táe butá in inogoi-Nea kon intau.

MAZMUR 115:16 ပူးပေါင်းရင်းမြစ်များ

MAZMUR 144:5

O Tuhan, bukataidon in ḷangit-Mu bo poponagdon, ḻiaidon in buḷud mita sinbá monompoyok.

MAZMUR 148:4

Dayowdon in Sia, ei ḷangit inta totok in moḷantud, dayowdon in Sia, ei tubig kon ḻimonikan in ḷangit!

MAZMUR 8:6

Táe dinuí-Mu in sia gogió bo notongkai i Allah, Pinopoḷutudan-Mu in sia in kamuliaan bo kahoromatan.

MAZMUR 89:11

Ki Rahab, naga in dagat, binutuk-Mu bo iḻimod-Mu, takin ḻima inta moropot sinaḷow-Mu in musung-Mu mita.

MAZMUR 89:12

Ḷangit bo butá Iko in kitogi, dunia bo bayongan in tombonunea Iko in nomaḻí.

YESAYA 45:18

Ki Tuhanbí in inta nomaḻí kon ḷangit, Siabí in ki Allah! Siabí inta nomia bo nogaid kon butá, binaḻí noroton bo tantú noisindog mako. Diábí binaḻí-Nea tampat inta noingongow, táe tampatbí inta pogutunan. Siabí inta noguman, “Akuoibí in Tuhan bo diábí in ibanea mako.

YESAYA 66:1

Ki Tuhan in noguman, “Ḷangit in ḷoḻitúan-Ku pomarentaan, bo butá in tosindogan-Ku. Dá baḷoibí naonda in posindogonmu kon i-Nakó, bo tampat onu in pomiaanmu sin pogutunan-Ku?

OMBAḶ 3:66

Duduraidon bo yopúdon in mosia komintan modapot in mosia modait komintan kon dunia.”

YOHANES 14:2

Kon Baḷoi i Amá-Ku nobayong tampat pogutunan. Akuoi in mayá intua sin moposadia kon tampat kon i monimu. Akuoi in diábí moguman natua aka kuma bo tua in diábí natua.

ULANGAN 10:14

Ki Tuhan Allahmu in ki togi ḷangit inta totok in moḷantud; bo butá in tanaa in Siabí doman in kitogi takin bayongan inta kon bonunea.

ULANGAN 32:8

Kon dodai in ki Inta Totok in Moḷantud nosilai kon butá, batúan bangusa sinantúdon in butánea takin ilah tobatú in nobaḻí pongawasa.