MAZMUR 115:10 - Alkitab Singog In Mongondow Masa In Tanaa

¹⁰ Ei imang mita, pongamangdon kon i Tuhan, Siabí in motuḷung bo mogoḻiung kon inimu

MAZMUR 115:10 ပူးပေါင်းရင်းမြစ်များ

KINOBAḺIAN 15:1

Nopaḷut mako kon tua, ki Abram nokoontong kon oontongon bo nokodongog kon i Tuhan noguman kon inia, “Dika moondok, Abram, ḷukadan-Kubí in iko nongkon bodito, bo moḷoben totok tondan in pinogaidanmu in ogoi-Ku kon inimu.”

MAZMUR 118:3

Biódon mako imang mita in moguman, “Tabi-Nea in umuran mononoi.”

IḶUAIAN 28:1

“Oinídon in ki Harun ki guya-guyangmu takin ki adí mita ki Nadab, ki Abihu, ki Eleazer bo ki Itamar, potondídon in mosia sinbá motaau mobantung kon i-Nakó mobaḻí imang.

PINOGIAPAN 16:40

Tua in nobaḻí tompoingat kon bangusa Israel kon koḻikud in buí i Harun, diábí in tobatúmai in intau motaau mamangoi kon mezbah i Tuhan sin motubá kon dupa posumba kon i Tuhan. Intau inta ḻimimpat kon atorang tatua in yopúonbí ná ki Korah bo dumoduduinea mita. Bayongan tua inaidan pinodudui kon ná inta pinarenta i Tuhan kon i Eleazar pinongin i Musa.

PINOGIAPAN 16:5

Bo sia in noguman kon i Korah bo dumoduduinea mita, “Ikoḷom doḷo-doḷom ki Tuhan in mopoontongdon kon i naton mongo ki ine in kapunyaan-Nea, bo ki ine inta sinondí kon i-Nia. Intau inta piḻíon-Nea tua in motaau dimiug kon i-Nia.

PINOGIAPAN 18:7

Táe tongábí iko bo adímu mita in motaau mopobayá in oaidan in imang, kon bayongan oaidan inta noyotogot in mezbah bo onu inta kon Yuang Motusi. Tuata in kon bonu in totaaumu, sin Akuoi ain nomaḻí kon inimu imang. Bayongan intau inta diá inogoian in hak tatua yo hukumon matoi aka dimiug kon barang mita inta motusi tatua.”