MAZMUR 113:7 - Alkitab Singog In Mongondow Masa In Tanaa

⁷ Intau nobogá sinintak-Nea nongkon ḷobud, bo intau malarat in binuat-Nea nongkon ḷobud.

MAZMUR 113:7 ပူးပေါင်းရင်းမြစ်များ

DATU MITA IMITÁNEA 16:2

‘Koḻipod in iko nion in deemanbí ki ine bo ki ine, táe iko in dinuí-Kudon nobaḻí itoi kon umat-Ku Israel. Tanaa in iko in binaradosadon ná ki Yerobeam bo nokopopisídon kon umat-Ku Israel binaradosa, dá nomuká in torú-Ku.

AYUB 2:8

Bo ki Ayub iḻimitú kon diug in yoyatan, bo nogamá kon bonsig in posilag sin pongukud kon awaknea.

AYUB 5:11

Siabí in ki Allah inta nopoḷantud kon intau inta moompá in dodia, bo moposanang kon intau inta noyoyiga.

MAZMUR 107:41

Táe inta nobogá in pinoḷuat-Nea nongkon susa monia, motoḷuadí monia in modugang naonda bo paanan in domba.

MAZMUR 22:15

Ropotku in nodait naonda bo tubig inta noibutak, bayongan in tuḷanku noipilat nongkon poguḻingkitannea, ginaku in ḷumoḷayat naonda bo lilin.

YESAYA 26:19

Umat-Mu inta ain minatoi in mobiagbí bui, awak mita monia in mobiagdon bui. Intau inta ain iḷobong kon bonu in butá in mobiagbí bo morogiow. Naonda bo oḷú inta mokoonow kon butá, Iko in momiag kon umat-Mu inta ain noonggot in minatoi.

YEHEZKIEL 17:24

Bayongan in pangkoi in kayu kon butá in monotaaudon kon Akuoibí in ki Tuhan. Pangkoi in kayu inta moḷantud in pupuḷon-Ku; pangkoi in kayu inta moompá in baḻíon-Ku moḷantud moiḷontú. Pangkoi in kayu inta motoḷubú in ingkagan-Kudon; bo pangkoi in kayu inta noingkag in poponubú-Kudon bo momungai. Akuoi, ki Tuhan, ain nosingog, bayongan inta siningog-Ku in mobaḻíbí.”

YAKOBUS 2:5

Toropdon, Utatku mita inta kinotabiku! Intau inta nobiag nobogá kon dunia naa, piniḻí i Allah mobaḻí intau inta mooyúon kon bonu in pirisaya. Intau mita tatua in mobaḻíbí anggota in umat i Allah ná inta pinodandi i Allah kon intau mita inta kinotabi-Nea.

SAMUEL 1 24:14

Kinotaauanbí i Tuang Datu in tangkí dungkuḷmai tanaa, ‘Aid moraat in tongábí aidan in intau moraat.’ Tuamai in akuoi in doíbí mopororiga kon i Tuang Datu.