MAZMUR 111:5 - Alkitab Singog In Mongondow Masa In Tanaa

⁵ Sia in nobogoi in rijiki kon intau inta motoguondok, bo inta umuran mokotorop kon dodandian-Nea.

MAZMUR 111:5 ပူးပေါင်းရင်းမြစ်များ

NEHEMIA 1:5

“Oo Tuhan Allah inta nongawasa kon soroga. Iko in Allah Inta Moḷoben bo kami in tumayow kon ini-Mu takin moondok totok. Iko in tantúbí mosatia bo nokadai kon dandi-Mu kon intau mita inta motabi kon ini-Mu bo motoindudui kon parenta-Mu.

MAZMUR 105:8

Sia in umuranbí mokotorop kon dodandian-Nea, dandi-Nea in mononoibí.

MAZMUR 106:45

Popisí in mosia dá kinotoropan-Nea in dandi-Nea bo nonotabidon kon i monia popisí in tabi-Nea inta moḷoben.

MAZMUR 33:18

Ki Tuhan in moḷukad kon intau mita inta mopirisaya inta mongamang mako kon tabi-Nea.

MAZMUR 33:19

Sia in noposaḷamat kon i monia nongkon popatoi, bo nomiag kon i monia kon tungkuḷ in ginogoi.

MAZMUR 37:3

Popirisayadon kon i Tuhan, bo aidaidon in inta mopia, pogutundon kon butá tatua bo kotoḷutuidon.

MAZMUR 89:34

Táe Akuoi in umuranbí motabi kon i Daud, bo diábí monaḷámai kon kososatia-Ku.

YESAYA 33:16

Dá moiko in kosiunganbí takin moaman, naonda bo kon bonu in poḷoḷukadan inta moropot. Kaanon bo inumon in sadiaanbí kon inimu.

DANIEL 9:4

Bayongan in dosa in bangusaku inakuku kon i Tuhan Allahku. Gumanku, “Tuhan Allah, Iko in moḷoben, bo kami in mohoromat kon ini-Mu. Iko in umuranbí mogintompod kon dandi-Mu bo mopoontong in tabi-Mu inta mononoi kon i monia inta motabi kon ini-Mu bo inta nogaid kon onu inta pinoki aid-Mu.

LUKAS 1:72

Sin mopoontong in totabi-Nea kon i mogoguyang naton podudui in dandi-Nea. Sin dandi-Nea tua in umuranbí kinotoropan-Nea.

LUKAS 12:30

Sin tua in oaidbí in intau mita inta diá mopirisaya kon i Allah. Bokaka kinotaauan bidon i Allah kon komintan tua in paraḷubí doman totok monimu.