MAZMUR 111:2 - Alkitab Singog In Mongondow Masa In Tanaa

² Totuu kon mokoherang in aid mita i Tuhan, totokbí in mopia tonduduton in intau mita inta moibog intua.

MAZMUR 111:2 ပူးပေါင်းရင်းမြစ်များ

AYUB 37:14

Kibio-biópamai topiḻik, uḻe Ayub, bo indongogaipa; taridiai in inta mokoherang mita inta pinomia i Allah.

AYUB 37:7

Pinogogai-Nea in oaidan in intau, sinbá kotaauan monia kon Sia in koyogot mogaid.

AYUB 5:9

Aid mita i Allah diá in poḻiuan; diábí komangaḻean naton intua. Inta mokoherang mita inta inaidan-Nea, diádon koiapan bo diábí modait-dait.

AYUB 9:10

Diá komangaḻean naton in bayongan in oaidan-Nea, diábí in kita mokoiap kon aid-Nea mita inta mokoherang.

MAZMUR 104:24

Totuu mobayong in mia-Mu, Tuhan, komintanbí pinomia-Mu takin mobijaksana; butá in nopuḻing in aid-Mu.

MAZMUR 104:34

Igumon mako dondongku in mokosanang kon gina-Nea, sin Siabí in nopoḷunganga kon ginaku.

MAZMUR 107:43

Igumon mako intau mobijaksana in morai kon bayongan intua bo akúon monia kon ki Tuhan in umuranbí motabi.

MAZMUR 118:15

Indongogaidon in giow kinountungan kon ḷoḷaigan mita in umat-Nea, “Ki Tuhan in nopoontongdon in kotorindog-Nea!

MAZMUR 139:14

Akuoi in modayow kon ini-Mu sin akuoi in diá in poḻiuan! Bayongan in aid-Mu in mokoherang bo mokotongaw, totokbí in kinotaauanku intua.

MAZMUR 143:5

Kinotoropanku in singgai mita inta ain kinotaḻiban; iraiku in bayongan in aid-Mu, sinano-tanobku in bayongan mia-Mu.

AMSAL 17:16

Diá baraguna in intau bodok mokopodait kon doit motayak kon hikmat, sin sia in diábí koraian inta mosehat.

AMSAL 24:14

natua doman in hikmat mopia kon dimukudmu. Aka mobijaksana in iko, mopiabí in singgaimu moiduduimai.

MOHOHUTUBA 3:11

Pinomianea in bayongan yagi-yagi mopia kon wakutunea. Inogoian-Nea in ibog in kita monotaau kon onu in mobaḻí kon singgai moiduduimai, táe diá mokosanggup in kita monotaau kon aid i Allah nongkon pinomangkoianmai modapot in imbuitnea.

YESAYA 40:12

Ki ine in mogukur kon baḷangon takin mopomaké in ḷogú in ḻimanea, andeka mogukur kon ḷokutoi momaké in yangow? Ki ine in mogukur kon butá in dunia naa takin simbangan andeka monimbang kon buḷud bo tombuḷudnea mopomaké in simbangan bambéon?

DANIEL 4:3

Totuu moḷoben in mujizat inta pinomia-Nea! Totuu motoyang in inta mokoherang inta inaidan-Nea! Ki Allah in mobaḻíbí datu modapot in mononoi. Sia in mongawasa modapot in kopaḷutannea.”

SURAT I PAULUS KON JAMAAT RUM 1:28

Bo lantaran irasa in intau kon diábí paraḷu in mosia monotaau kon i Allah, dá pinomayá bidon mako i Allah in kogoguyaatan in raian monia, sahingga in nogaidon mosia kon soaḷ mita inta pinoton aidan.

SURAT I PAULUS KON JAMAAT RUM 8:6

Aka raian monimu kinawasa in ibog in awak naa, dá popatoibí in mouḻí. Táe aka raianmu bo kinawasa in ibog in Roho i Allah dá mouḻímubí in kobiagan bo iko mobiag motompia takin i Allah.

EPESUS 1:19

bo moḷoben totok in kawasa-Nea kon i naton inta mopirisaya, notongkai in ropot in kawasa-Nea inta moḷoben

WAHYU 15:3

Bo mosia in nopodondong in dondong i Musa, mogogundoi i Allah, bo dondong i Adí in Domba. Nanaa in dondong tatua, “Tuhan, Allah Inta Totok in Mokawasa, totuu moḷoben bo mokoherang in bayongan inta inaidan-Mu! Datu in bayongan bangusa, totuu moadil bo mobanar in bayongan oaid-Mu!