MAZMUR 110:7 - Alkitab Singog In Mongondow Masa In Tanaa

⁷ Datu in monginumbí nongkon ongkag kon bingkí in daḷan, naonda in iniropotan mako, sia in mountungbí.

MAZMUR 110:7 ပူးပေါင်းရင်းမြစ်များ

AYUB 21:20

Pomayádon mako inta binaradosa mobaba kon dosanea tontaní, biódon mako korasaannea tontaní in torú i Allah Inta Totok in Moḷantud.

MAZMUR 102:9

Kinoouput in singgai musung moningkuḻe kon inakó; tangoiku in binaḻí kutuk i intau mita inta tumorú kon inakó.

MAZMUR 27:6

Tanaa akuoi in nountung kon musung inta kon ḻibukumai; dá takin goḷokap takin pia in gina pinosumbaku in kuruban sukur kon Baḷoi-Nea; akuoi in nodondong bo nodayow kon i Tuhan.

MAZMUR 3:3

Nobarong in noguman kon ki Allah in doí motuḷung kon inakó.

YEREMIA 23:15

Ki Tuhan Inta Totok in mokawasa in noguman, “Ogoi-Kubí kon nabi mita kon Yerusalem tatua in pinomuḷa mopait sin kaanon bo rasum sin inumon, sin mosia in nokopopisídon kon intau mita kon sinangkub in butá doí mohoromat kon i-Nakó.”

YEREMIA 52:31

Kon singgai indoyowa nopuḷú boḻima kon buḷan impuḷú bo doyowánea kon taong intoḷu nopuḷú bo pitu naonda in ki Yoyakhin inakut kon pinoḷumbúan, ki Ewil-Merodakh in nobaḻí datu in Babel. Kon taong doman tatua sia in nopoontong in totabinea kon i Yoyakhin, bo nomuḻi kon inia nongkon ponjara,

MATIUS 20:22

Táe ki Yesus in notubag kon i-Nia, “Diábí kinotaauan monimu, onu in inigum monimu. Degá mokosanggup in moiko in monginum kon palo in roriga inta musti inumon-Ku?” Dá mosia in notubag kon i-Nia, “Mokosanggup in kami”.

MATIUS 26:42

Bo kon induaneadon in Sia minayá nosambayang, kai-Nia, “Amá-Ku, aka roriga tanaa musti kobayáan-Ku, sin diá motaau poyayúon kon i-Nakó, yo aidaidon ná inta koibog-Mu.”

LUKAS 24:26

Degá diábí kinotaauan monimu kon Datu Mopoposaḷamat in mustibí muna mokorasa kon roriga sinbá mokouḻí kon kamuliaan-Nea?”

YOHANES 18:11

Dá ki Yesus in noguman kon i Petrus, “Tungkogdon bui kon gumánea in pitowmu nion! Degá iraimumai kon diábí inumon-Ku in palo in roriga inta inogoi i Amá kon i-Nakó?”

PETRUS 1 1:11

Mosia in nonaridi mongo naonda bo toonu in kobaḻían intua, inta imakusud in Roho i Kristus tua in onubí inta oyúon kon awak monia. Kon wakutu intua Roho-Nea ain noguman muna kon i monia soaḷ roriga mita inta musti korasaan i Kristus bo soaḷ kamuliaan-Nea inta moiduduimai onda intua mopaḷut.

HAKIM MITA 15:19

Dá ki Allah nomukat kon bubú kon buḷud batu kon Lehi tatua, bo iḷumuaidon in tubig nongkon tua. Ki Simson in nonginum, bo norotondon bui in awaknea. Tuamai bokaká tatua sinangoian Bokaká in Tubig in Hakor. Bokaká in tubig tanaa oyúonpabí in kon Lehi.