MAZMUR 110:5 - Alkitab Singog In Mongondow Masa In Tanaa

⁵ Ki Tuhan in kon dotá in koḷananmu, aka Sia bo tumorú yo datu mita in taḷowon-Neabí.

MAZMUR 110:5 ပူးပေါင်းရင်းမြစ်များ

MAZMUR 109:20

Tuhan, popoḷabúdon in hukuman kon i inta mopoponapud kon inakó, kon intau inta moguman kon uboḷ soaḷ akuoi.

MAZMUR 110:1

Mazmur i Daud. Ki Tuhan in noguman kon i tuangku, “Ḻitúdon kon dotá in koḷanan-Ku, modapot in musungmu mita potungkudon-Ku kon inimu.”

MAZMUR 16:8

Akuoi in umuranbí mokotorop kon i Tuhan; Sia in oyúonbí kon diugku, dá diá in akuoi modandú.

MAZMUR 68:30

Datu mita in nodia kon sosumba kon ini-Mu kon Baḷoi-Mu kon Yerusalem.

HABAKUK 3:12

Takin torú Iko in noḻibu kon butá; bangusa mita iruntai-Mu takin yaat in gina.

MARKUS 16:19

Naonda in ki Yesus nopaḷut nongonguman monia, Sia sinintakdon minayá in soroga. Kon tua, Sia momarenta takin i Allah.

SURAT I PAULUS KON JAMAAT RUM 2:5

Táe moiko totok motogat in gina bo doí momaḷui kon gogutú. Dá mangaḻenea kon tua moiko bidon tontaní in modugang kon roriga in hukuman kon i monimu kon Singgai Tumi, aka popoontongdon i Allah in torú-Nea bo hukuman inta moadil.

WAHYU 11:18

Intau mita inta diá nonotaau kon i Tuhan, sinumorúdon sin aindon wakutunea Iko mopoḷuai in torú-Mu, bo aindon doman wakutunea Iko monantú kon intau mita minatoi. Naadon doman i wakutunea mobogoi kon boḻi in pinogaidan in intau mita inta nogaid kon oaidan i Allah, bo in nabi mita, bo kon bayongan in umat, tuata in mosia inta noibada kon ini-Mu, adí ande itoi. Naadon i wakutunea morimumud kon intau mita inta nomoguyaat kon dunia naa!”