MAZMUR 109:29 - Alkitab Singog In Mongondow Masa In Tanaa

²⁹ Biódon mako in intau mita inta moponapud kon inakó ḻibutan in empeng, bo oyá in mongoḷob kon i monia naonda bo jubah.

MAZMUR 109:29 ပူးပေါင်းရင်းမြစ်များ

AYUB 8:22

Intau inta mondoí kon inimu in mooyábí bo morasa kon moompádon, bo baḷoi in intau moraat in poguyaatonbí modapot in moyopú.”

MAZMUR 132:18

Dodatuannea in umuranbí mobiag mooyúon, táe musungnea mita in pokopooyáanbímai.”

MAZMUR 140:9

Dikabí duduian in ibog in intau moraat, o Tuhan, dikabí pomayá mako in tomayá monia tua motuoi.

MAZMUR 35:26

Biódon mako in intau inta mosanang in gina in nokoontong kon rorigaku in motoboḻingodon bo mooyádon. Biódon mako in intau inta ḷumoḷatú kon inakó in singkuḻeon bo pokopooyáanmai.

MAZMUR 6:10

Ki Tuhan in nokidongogbí kon oigumku bo notubagdon kon sambayangku.

YEREMIA 20:11

Táe Iko, o Tuhan, in kon dotáku; Iko in totok in moropot bo motorindog. Mosia inta mogaḷow bo mondorot kon inakó in moḷabúbí bo kodaitan in daya. Mosia in mooyábí modapot in mononoi, diádon in notuoi in bayongan tomayá monia. Koempengan monia tua in umuranbí toropon.

DANIEL 12:2

Mobayong in kon sigad monia inta ain minatoi in mobiag bui; tongosilai in motarima kon kobiagan mononoi, bo tongosilai doman in motarima kon kohohina bo inta mokokoningkim inta mononoi doman.

MIKHA 7:10

Dungkuḷmai musung in moningkuḻe kon i naton takin mosingog, “Kon onda degá in ki Tuhan, Allahmu tatua?” Táe tanaa mosia in mokoontongbí kon onu in aidan i Tuhan kon i naton, bo mobaḻíbí mooyá in mosia. Kita in moindoibí kon musung mita naton tatua in taḷowon bo rita-ritakan mako naonda bo yoná kon daḷan.