MAZMUR 109:28 - Alkitab Singog In Mongondow Masa In Tanaa

²⁸ Umpaka mosia in mongutuk kon inakó, igumon mako Iko in momarakat kon inakó. Umpaka simindog in mosia, mosia in pokopooyáanbímai; táe igumon mako akuoi, mogogundoi-Mu, poḷungangaan in gina.

MAZMUR 109:28 ပူးပေါင်းရင်းမြစ်များ

MAZMUR 109:17

Sia in moibog mongutuk; biódon mako sia tontaní in kotugatan in kutuk! Sia in doíbí mobogoi in barakat, biódon mako diádon ogoian in barakat kon inia!

AMSAL 26:2

Ná ḷagapan inta iḷumayug bo modondaḷoi kon ḷokutoi, natua doman in odi-odi diábí moitugat kon intau inta diá kotaḷá.

PINOGIAPAN 22:12

Guman i Allah kon i Bileam, “Dika mayá takin intau mita tatua, bo dika mongutuk kon bangusa tatua, sin mosia ain binarakatan-Ku.”

PINOGIAPAN 23:20

Akuoi in pinotabá momarakat; bo aka ki Allah in momarakat, yo diábí in motaau indoianku bui.

PINOGIAPAN 23:23

Diábí in totaau in kumaan kon i Yakub diábí in ponggaing in mokomampu monayow kon Israel. Tosingogon in intau soaḷ bangusa tatua, ‘Indoiai in mokoherang inta inaidan i Allah!’

YOHANES 16:22

Natuabí doman in moiko: Tanaa mako mosusapabí in gina monimu, táe buipabí in Akuoi moyodungkuḷ monimu, dá moḷunganga in gina monimu; bo diábí tobatúmai intau in motaau mogamá kon ḷunganga in ginamu tatua.

IBRANI 12:2

Mogaid in kita kon tua takin umuran mopirisaya kon i Yesus, sin Sia tuata inta nopobangon kon pirisaya naton bo umuran noḷukad kon pirisaya naton nongkon pinomangkoianpamai dapot in pangabisannea. Nonahangbí in ki Yesus in iyoyiga kon kayu pinoyotaḻempang! Diábí pinandung-Neamai in matoi kon kayu pinoyotaḻempang tua kon totokbí in mokooyá. Tongábí ḷunganga inta korasaan-Nea kon singgai moiduduimai in umuran pinonorop-Nea mako. Bo tanaa mako, Sia in iḻimitúdon kon dotá in koḷanan i Allah bo nomarenta noyotakin-Nea.