MAZMUR 109:22 - Alkitab Singog In Mongondow Masa In Tanaa

²² Sin akuoi naa in nobogá bo nororiga, bo ginaku in kinekeban nodaḷom.

MAZMUR 109:22 ပူးပေါင်းရင်းမြစ်များ

DATU MITA 2 4:27

Táe naonda in noiyaput kon tayowon i Elisa, sinumungkud in sia bo ginumakap kon sioḷ i Elisa. Táe dinimiugdon in ki Gehazi sin mopotabá kon inia mayá nongkon tua, táe noguman in ki Elisa, “Biódon mako! Koontongan kon morobonoḷ totok in dodobnea. Táe diábí in pinotaau i Tuhan kon inakó!”

AYUB 6:4

Piot nongkon i Inta Totok in Mokawasa noiḷambai kon awakku; bisanea in noibaya-bayádon kon bayongan in putú bo awakku. Kotoyang i Allah totok in mokoondok, bo nondangat kon inakó naonda bo tontara in musung.

MAZMUR 102:4

Kobiaganku in moinggamá naonda bo poyok; tuḷanku mita in monombaga naonda bo tuḷú.

MAZMUR 109:16

Sin intau tatua in diábí kon dodai in onda in mokotorop kon mopoontong in tabi. Sia in momogutú kon intau nobogá bo inta mororiga, bo moḻimod kon intau inta diá mokopongonu.

MAZMUR 22:6

Mosia in nokuani kon ini-Mu bo pinosaḷamat-Mu; mosia in nongamang bo diá pinokudai.

MAZMUR 25:16

Indoiaipa kaasí in akuoi, bo kotabipa in akuoi, sin moingongow in akuoi bo mororiga.

MAZMUR 40:17

Igumon mako in bayongan in intau inta nosumba kon ini-Mu moḷunganga bo mopia in gina, bo bayongan inta motabi kon kasaḷamatan nongkon ini-Mu umuran moguman, “Totuubí moḷantud in ki Tuhan!”

MAZMUR 86:1

Sambayang i Daud. Indongogaipa in sambayangku, o Tuhan, bo tubagaipa in akuoi, sin akuoi nobogá bo moyangkó.

YESAYA 53:3

Kita in moningkuḻe bo yumayú kon inia, intau inta nopuḻing in roriga bo nobiasa mobaba kon takit. Diá tobatúmai in intau in moibog imindoi kon inia, bo kita in diá doman moindoimai kon inia.

MATIUS 8:20

Ki Yesus in noguman kon inia: “Serigala oyúon in bubúnea, bo ḷagapan oyúon in pugadnea, táe ki Adí Intau diá in tampat posiugan-Nea.”

LUKAS 22:44

Tantúdon moondok in Sia, dá umurandon in Sia mosambayang. Uḷat-Nea in naonda bo dugú motait kon butá.]

YOHANES 12:27

“Moḻia-ḻiaw totok in gina-Ku; onu degá in musti singogon-Ku in tanaa? Musti degá in Akuoi moguman, ‘Amá, potaḻibdon kon i-Nakó in roriga tanaa mako’? Diá! Sin tuabí in mangaḻe in inangoian-Ku.

KORINTUS 2 8:9

Sin moiko in totokdon in nonotaau kon kita in totokbí in kinotabi i Yesus Kristus, Tuhan naton. Sia in nooyúonbí, táe sinumon intau bogá sin lantaranbí moiko, sinbá moiko in mobaḻí mooyúon.