MAZMUR 109:20 - Alkitab Singog In Mongondow Masa In Tanaa

²⁰ Tuhan, popoḷabúdon in hukuman kon i inta mopoponapud kon inakó, kon intau inta moguman kon uboḷ soaḷ akuoi.

MAZMUR 109:20 ပူးပေါင်းရင်းမြစ်များ

SAMUEL 2 17:23

Naonda in kinotaauan i Ahitopel kon tongginanea in diá dinuduian, sia nopopakédon in ḷoḻitúan kon keledainea bo nobui kon kotánea tontaní. Naonda in noginḷapat mako kon bayongan in oaidannea ginumantongdon in sia, bo iḷobong kon bonu in poḷoḷobongan kon inanakannea.

SAMUEL 2 18:32

Ki datu noḻibó kon inia, “Nosaḷamat degá in ki Absalom inta nobagupa in kinobiagannea?” Bo ata tatua in notubag, “Igumon mako in bayongan in musung i Tuang datu, bayongan intau inta nomarontak kon i Tuang Datu in mokorasa doman kon ná inta kinorasaan in intau inta nobagupa in kinobiagan tua.”

DATU MITA IMITÁNEA 2:44

Kinotaauanmubí totok in bayongan aidmu moraat kon i amáku. Tuamai ki Tuhan in mohukumbí kon inimu,

MAZMUR 110:1

Mazmur i Daud. Ki Tuhan in noguman kon i tuangku, “Ḻitúdon kon dotá in koḷanan-Ku, modapot in musungmu mita potungkudon-Ku kon inimu.”

MAZMUR 2:12

Tungkudon kon tayowon-Nea takin urot, dika modapot in ki Tuhan tumorú bo moiko in baḷunea putúan, sin torú-Nea baḷúdon modokot. Pia in kamang in intau inta moniung kon i Tuhan!

MAZMUR 71:10

sin musungku mita in mongongumandon kon inakó, intau mita inta moibog moḻimod kon inakó in noyopopogdon.

MAZMUR 94:23

Sia in mohukum kon intau moraat podudui in aidnea inta moraat, bo nomompon kon bibig monia popisí in dosanea. Ki Tuhan Allah naton in momomponbí kon i monia.

MATIUS 11:19

Onda intua Adí Intau namangoi, Sia nongaan bo nonginum kon anggur, táe kai monimu, ‘Indoiaika, Sia in intau! Moturá bo yobayat in moigum kon pajak bo intau inta baradosa.’ Táe kawasa i Allah pinoponiata kon i-Nia.”

MATIUS 12:24

Táe naonda intau in Parisi nokodongog kon tua, mosia in noguman, “Sia naa nomaké in kawasa i Beelzebul, inta tongguḷu in dimukud mita moraat.”

MARKUS 9:39

Táe guman i Yesus, “Donaai molarang kon inia, sin diábí in tobatúmai intau inta nogaid kon mokoherang inta pinodoyon kon tangoi-Ku, bo baḷú in sia moporaa-raatmai kon i-Nakó.

LUKAS 19:27

Bo tanaa mako in tokodiadon mangoi in intau mita inta mongosakí in gina kon i nakó bo inta doí aka akuoi in mobaḻí datu kon i monia. Ḻimod in mosia kon tayowonku!’ ”

KORINTUS 1 12:3

Manangka intua mustibí kotaauan monimu kon intau inta kinawasadon in Roho i Allah in diábí motaau mosingog, “Binaḷa-baḷa in ki Yesus!” Ná doman tua, diábí doman in tobatúmai intau in moguman, “Ki Yesus tua in Tuhanbí!” aka intau tatua bo diá kinawasa in Roho i Allah.

TIMOTIUS 2 4:14

Ki Aleksander inta mononontaḷ kon tambaga tua, nomiadon kon inta totok in diá mopia kon inakó. Tongá tuḻíanbí i Tuhan in oaidnea tatua podudui doman in oaidnea.