MAZMUR 109:18 - Alkitab Singog In Mongondow Masa In Tanaa

¹⁸ Aka kon inia mongutuk tua in biasabímai, naonda bo moḷutud kon ḷambungnea. Biódon mako in kutuk tatua moiyanap naonda bo tubig kon awaknea, bo naonda bo ḷana kon bonu in tuḷannea mita.

MAZMUR 109:18 ပူးပေါင်းရင်းမြစ်များ

AYUB 29:14

Motuḻid in aidku diábí in noitaḷá; pinosindogku onu inta moadil.

MAZMUR 109:19

Biódon mako in kutuk tatua mongoḷob kon inia naonda bo ḷambung, bo umuran moḻikog kon inia naonda bo baan.

MAZMUR 73:6

Tuamai in mosia dumodia, bo umuran mogaid kon inta moromú.

PINOGIAPAN 5:22

Tubig inta mokopoangoi kon butung tanaa in tumuot kon sianmu bo mokobunsit kon sian bo mokointok kon paamu.” Bobay tatua musti motubag, “Moibog in akuoi; Igumon mako ki Tuhan momia kon natua.”

PINOGIAPAN 5:27

Aka bobay tatua bo totuu kon ain nokituaḻing, tubig tatua mokopopisí kon inia mokorasa kon monakit totok; siannea kumutad bo paanea imintok. Tangoinea in mobaḻí ibot butung kon sigad in bangusanea.

MATIUS 26:24

Adí Intau in memang mustibí mayá podudui inta aindon pinais soaḷ Sia, táe moboditodon in intau inta moposarakan kon i Adí Intau tatua. Mopia-piabí in intau natua diá pinononggadí!”

OUMAN IN RASUL MITA 1:18

Ki Yudas naa in aindon nokouḻí kon butá pinoḷobongan kon inia, butá boḻi in oaidnea inta moraat. Sia in noḷabú noitongkob bo siannea in nobotak, dá bayongan bonu in siannea noiḷuai komintan.

KOLOSE 3:12

Utat mita, moiko nion in umatbí i Allah inta ain sinotabi bo piniḻí-Nea mobaḻí kapunyaan-Nea tontaní. Tuamai in musti popoontong doman monimu in totabian, pia in gina, diá motosiḷantud, pososingog moaḷus bo mobahasa kon tumpaḷa intau bo mosabar aka koantugan in roriga.

KOLOSE 3:8

Táe tanaa, ḷumbúdon monimu in soaḷ mita inta moraat nongkon inimu: dika tumorú ande momarontak, ande moyaat in gina kon intau ibanea, ande monibá, bo mosingog kon tosingogon inta moromú.

PETRUS 1 5:5

Ná doman tua, utatku mita inta nongomudapa, mokopotoindudui kon guyanga mita. Moiko in musti mokopoompá kon dodia bo moibog doman mosibantungan sin kon Buk Motusi ain pinais nanaa: “Ki Allah in mohukum kon intau inta mokaḷakuang, táe motabibí kon intau inta moompá in dodia.”