MAZMUR 109:14 - Alkitab Singog In Mongondow Masa In Tanaa

¹⁴ Biódon mako in aid moraat in mogoguyangnea umuran kotoropan i Tuhan, bo dosa i inánea in diábí popatan.

MAZMUR 109:14 ပူးပေါင်းရင်းမြစ်များ

SAMUEL 2 21:1

Kon tungkuḷ in ki Daud nomarenta, nobaḻídon in malarat moḷoben inta nobaḻí kon bonu in toḷu notaong nouput. Bo nopoigum in ki Daud in topotundú kon i Tuhan soaḷ tatua, bo ki Tuhan in noguman, “Malarat tatua in popisíbí in taḷá i Saul bo motoḷuadínea, mosia in noḻimodon kon intau mita in Gibeon.”

SAMUEL 2 3:29

Pomayádon mako bá ki Yoabdon bo bayongan in motoḷuadínea in hukumon popisí in aidnea tatua. Poigumon mako sinbá kon bonu in motoḷuadí i Yoab takin buínea monag umuran oyúon in kotugatan in panyaki inta mokoondok, andeka ḷoḷaki inta moyempé, andeka inta matoi kon bonu in parang andeka inta kodaitan in kaanon!”

DATU MITA 2 11:1

Naonda in kinotaauan i Atalya kon ki Datu Ahazia, ki adínea in minatoidon, pinarentaanneadon sinbá bayongan in ginaḷum motoḷuadí i Ahazia in ḻimodon.

DATU MITA 2 8:27

Popisí in pinotonibuḷoiannea tatua dá oyúondon in togot in motoḷuadí i Ahazia bo in motoḷuadí i Datu Ahab. Ki Ahazia in binaradosa kon i Tuhan notongkai ná inta inaidan in motoḷuadí i Ahab.

DATU MITA 2 9:27

Ki Ahazia in nokoontong kon onu inta nobaḻí tatua, dá pinoḷaguinea in keretanea nopobayá in kotá in Bet-Hagan. Ki Yehu in nondudur kon inia bo nomaḷú kon intaunea mita, “Ḻimod domandon in sia!” Piniotan monia in sia bo kinekeban kon daḷan inta nopobayá ná Gur, kon diug in kotá in Yibleam. Táe nokoḷagui in sia nodapot in Megido, bo minatoi in sia kon tua.

NEHEMIA 4:5

Dika ampungan in aid monia inta moraat bo dika ḻiongon in dosa monia, sin mosia in noningkuḻedon kon inami inta koyogot noposindog bui tanaa.”

IḶUAIAN 20:5

Dika mosumba kon patong ná tatua, sin Akuoibí naa in ki Tuhan Allahmu, bo Akuoi in doíbí potongkaion in onuka. Intau mita inta moyaat in gina kon i-Nakó, hukumon-Ku modapot kon buí inta nogintoḷu bo noginggopat.

IḶUAIAN 34:7

Umuranbí in Akuoi motabi kon ribuan buí bo mongampung kon taḷá bo dosa; táe intau inta kon dosa in diábí pomayá-Ku mako takin diá hukumon, bo hukumon-Ku doman in adí mita bain ompu modapot kon buí nogintoḷu bo noginggopat popisí in dosa in guyanga monia.”

YESAYA 43:25

Táe Akuoi in ki Allah inta nomopat kon dosamu, Inampungan-Ku in iko sin natuabí in sipat-Ku; Akuoi in diá bidon tantú monorop kon dosamu mita.

YEREMIA 18:23

Táe iko, Tuhan, nonotaau kon bayongan inta sinomayá monia sin moḻimod kon inakó. Tuamai, dika mongampung kon i monia; dika momopat kon taḷá monia. Bongkugdon in mosia modapot in moḷabú. Aidaidon kon i monia podudui in torú-Mu.”

IMAMAT 26:39

Bo ki ine in kon sigad monimu inta nobiagpa kon butá in musungmu mobiagdon moyoyiga popisí in dosamu tontaní bo dosa in mogoguyangmu.