MAZMUR 108:8 - Alkitab Singog In Mongondow Masa In Tanaa

⁸ Nongkon tampat-Nea inta motusi ki Allah in noguman, “Akuoi in monggiow bo mosila-silai kon butá in Sikhem, Ḷopá in Sukot in undion-Ku.

MAZMUR 108:8 ပူးပေါင်းရင်းမြစ်များ

KINOBAḺIAN 49:10

Ki Yohuda in mokadai kon tungkud in dodatuan, Buínea in momarenta dapot in mononoi. Bangusa mita in modia mangoi kon pajak, bo tumungkud takin moondok kon tayowonnea.

SAMUEL 2 2:8

Itoi in tontara i Saul, inta ki Abner adí i Ner, ain noḷagui noyotakin i Isyboset ki adí i Saul, noḷagui minayá in Mahanaim kon ḷoḷan in Ongkag in Yordan.

SAMUEL 2 5:5

Kon Hebron nomarenta in sia pitu notaong bo tobotak in koonggotnea, bo kon Yerusalem sia nomarenta kon bayongan in Israel bo Yohuda toḷu nopuḷú notaong in koonggotnea.

MAZMUR 122:5

Kon naabí in datu mita buí i Daud mohakim kon rayatnea.

ULANGAN 33:17

Kon i Yusup oyúon in ropot in bantong, bo tungoi in sapi in kayuon tuata in ribuan Manasye bo puḷúan ribu in Epraim. Bangusa mita in sinungoinea bo inundudnea nodapot in popod in butá.”

SAMUEL 1 28:4

Dá naonda in tontara in Pilistin noyosipun bo nononḷoḷaigan kon diug in kotá in Sunem, ki Saul nosipundon kon intau in Israel, bo nononḷoḷaigan in mosia kon Buḷud in Gilboa.