MAZMUR 107:2 - Alkitab Singog In Mongondow Masa In Tanaa

² Bui-buimaidon singog intua, ei moiko inta ain pinosaḷamat nongkon susa.

MAZMUR 107:2 ပူးပေါင်းရင်းမြစ်များ

MAZMUR 106:10

Tua in inaidan-Nea sin moposaḷamat kon i monia nongkon kawasa in musung, pinoḷuat-Nea in mosia nongkon kawasa in musung.

MAZMUR 130:8

Sia in mopoḷuatbí kon i naton nongkon bayongan in taḷá naton.

MAZMUR 31:5

Poḷuatdon in akuoi nongkon potait inta sinaan kon inakó, sin Ikobí in pogogadopanku.

IḶUAIAN 15:16

Sin mosia totokdon inagían ondok mokoontong kon ropot i Tuhan. Kon dodai in umat-Mu noitaḻib, musung modait dumoit; nosaḷamatdon in bangusa inta pinoḷuat-Mu.

YESAYA 35:9

Kon tampat tatua in diábí in singa, andeka mahaḷuk moraat ibanea. Intau mita inta pinosaḷamat i Tuhan in mayá mongintua.

YESAYA 43:1

Israel, nanaa in guman i Tuhan, “Akuoibí in inta nomaḻí bo inta nomia kon inimu, dika moondok, iko in notantú bidon kon posaḷamaton-Ku! Akuoi in nogoinídon kon inimu pinongin tangoimu, iko in Akuoi in kitogi.

YESAYA 44:22

Taḷámu in buntunon-Ku naonda bo goḷom, dosamu in untunon-Ku naonda bo topuot. Pobuidon mangoi kon i-Nakó, sin iko in pinoḷuat-Kudon!”

YESAYA 62:12

Mosia in tangoionbí: ‘Umat motusi’; ‘Umat inta pinosaḷamat i Tuhan’. Yerusalem in tangoiondon ‘Kotá inta dinondouḷugan i Tuhan’, ‘Kotá inta diá bidon sinaḷáan i Tuhan’.

YESAYA 63:4

Akuoi in nonomayádon kon singgai ponuḻían, bo wakutu popoḷuatan kon umat-Ku.

YEREMIA 15:21

Poḷuaton-Ku in iko nongkon kawasa in intau moraat inta moromú. Akuoi, ki Tuhan, ain nosingog.”

YEREMIA 31:11

Umat in Israel ain pinosaḷamat-Ku, bo pinoḷuat-Kudon nongkon bangusa inta moropot.

MIKHA 4:10

Ei intau mita in Yerusalem, pomaḻikotadon bo karakdon naonda bo bobay inta mononggadí! Sin, tanaa moiko in mustibí monaḷámai kon kotá bo mogutun kon rawang. Moiko in mustibí mayá in Babel, táe kon tua poḷuatonbí i Tuhan in moiko nongkon musungmu mita.

LUKAS 1:68

“Dinayo-dayowdon in ki Tuhan, ki Allah Israel! Sia ain notuḷung kon umat-Nea bo nonginggamá doman kon roriga monia.

LUKAS 24:21

Bokaka aindon i harap mako nami kon Siabí tua inta mamangoi bo moposaḷamat kon Israel. Singgai naa in singgaidon kon intoḷunea nongkon kinobaḻian intua komintan.

GALATIA 3:13

Táe ki Kristus ain nomilat kon i naton nongkon kutukan in hukum i Musa tatua. Sia nopomayádon mako in awak-Nea tontaní kinutuk sinbá kita in mopilat kon kutukan. Sin kon Buk Motusi ain pinais, “Kinutukdon in intau inta minatoi binambé kon kayu pinoyotaḻempang.”

ULANGAN 15:15

Toropdon kon moiko in koḻipod in atabí doman kon Mesir bo pinoḷuatdon i Tuhan Allahmu; tuamai in ogoiku in parenta tanaa kon inimu.

ULANGAN 7:8

Táe ki Tuhan nomiḻí kon i monimu sin motabi in Sia kon i monimu bo mogintompod kon dandi inta pinomia-Nea takin mogoguyangmu. Tuamai in noposaḷamat in Sia kon i monimu takin kawasa inta moḷoben bo nopoḷuat kon i monimu nongkon kawasa i datu in Mesir.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.