MAZMUR 107:1 - Alkitab Singog In Mongondow Masa In Tanaa

¹ “Posukurdon kon i Tuhan sin Sia in mopia, tabi-Nea in mononoi totok.”

MAZMUR 107:1 ပူးပေါင်းရင်းမြစ်များ

TAWARIKH 1 16:34

Posukurdon kon i Tuhan sin mopia in Sia; tabi-Nea in mononoi.

TAWARIKH 1 16:41

Ki Imang Zadok bo imang mita tatua in binantungan i Heman bo i Yedutun bo intau mita ibanea inta ain sinantú piniḻí sin mopodondong in dodayow kon i Tuhan sin tabi-Nea inta mononoi.

TAWARIKH 2 20:21

Naonda in noyosingog mako in rayat, ki datu nopotabá in mododondong mita nogiḷambung in ḷambung monia inta biasamai pakéon kon upacara mita inta ain sinantú kon agama. Mododondong mita tatua in mustibí mopipid takin ḷunganga in gina kon tayowon in pipidan in tontara sindaḷan modondong, “Dayowdon in ki Tuhan! Tabi-Nea in umuran mononoi!”

TAWARIKH 2 7:3

Naonda in rayat in Israel nokoontong kon tuḷú namonag nongkon ḷangit bo sindar kinoangoian i Tuhan nomuḻing kon Baḷoi Tuhan, noitungkud in mosia kon taḷog bo nosumba poḷat nodayow kon i Allah, sin mopia in Sia bo tabi-Nea in mononoi.

TAWARIKH 2 7:6

Imang mita sinimindog kon tampat inta ain sinantú kon i monia; noyogintayow in intau in Lewi inta nodayow kon i Tuhan nomaké in pakakat mita in musik inta pinomia i Datu Daud, sindaḷan nopodondong in dondong “Tabi-Nea in mononoi!” Pinodudui kon onu inta pinoguman i Daud. Imang mita in nogirup kon torompet bo bayongan in rayat in simindog.

MAZMUR 100:5

Sin ki Tuhan tua in mopia; tabi-Nea in mononoi, bo kososatia-Nea in modapot in adí bo ompu.

MAZMUR 103:17

Táe ki Tuhan in umuranbí motabi kon intau inta motoguondok, kopopia-Nea in modapotbí kon adí bo ompu

MAZMUR 105:1

Posukurdon kon i Tuhan, potaa-taaudon mako in koḷoḷoben-Nea, oumandon in aid-Nea kon bangusa mita.

MAZMUR 106:1

Posukurdon kon i Tuhan, sin mopia in Sia; tabi-Nea in mononoi.

MAZMUR 118:1

Posukurdon kon i Tuhan sin Sia in mopia, tabi-Nea in mononoi.

MAZMUR 119:68

Sin Iko in mopia bo nopoaid in mopia, tundúai in akuoi in atorang-Mu mita.

MATIUS 19:17

Ki Yesus in noḻibó, “Nongonu sin iko in moḻibóbí kon i-Nakó kon onu inta mopia? Tongábí tobatú in mopia. Aka iko moibog mobiag, yo duduiaidon in bayongan parenta i Allah.”

LUKAS 1:50

Sia umuran mobogoi in totabi-Nea kon bayongan intau inta moondok kon i-Nia.