MAZMUR 106:8 - Alkitab Singog In Mongondow Masa In Tanaa

⁸ Táe ki Tuhan in noposaḷamat kon i monia podoyon kon i-Nia tontaní, sinbá kotorindog-Nea in moniata.

MAZMUR 106:8 ပူးပေါင်းရင်းမြစ်များ

MAZMUR 111:6

Sia in nopoontongdon in kawasa-Nea kon umat-Nea, pinongin nobogoi kon i monia in butá budel in bangusa mita.

MAZMUR 143:11

Posaḷamatdon in akuoi podudui in dandi-Mu, o Tuhan, podoyon kon kopopia-Mu, poḷuatdon in akuoi nongkon roriga.

MAZMUR 23:3

Sia in nobogoi in ropot mobagu kon inakó, bo notundú kon inakó in daḷan inta moitutui, podudui in dandi-Nea.

IḶUAIAN 15:6

Ropot-Mu totok in mokoherang, o Tuhan, Binaḻí-Mu in musung norimumud.

IḶUAIAN 18:8

Inouman i Musa kon i nunutonnea in bayongan inta inaidan i Tuhan kon i datu bo kon bangusa Mesir sin moposaḷamat kon bangusa Israel. Inoumannea doman in bayongan roriga inta kinoyitakan in bangusa Israel kon binayáan, bo naonda in ki Tuhan noposaḷamat kon i monia.

IḶUAIAN 9:16

Táe pinomayá-Kupa mako moiko in nobiag, sinbá Akuoi in motaaupa mopoontong in kawasa-Ku kon inimu, sinbá tangoi-Ku totokdon kotaauan in bayongan intau kon dunia naa.

YESAYA 48:9

Sinagú-Ku in torú-Ku sinbá tangoi-Ku in popotaau. Pinondam-Ku intua kon inimu sinbá iko in diá yopúon.

YEREMIA 14:21

Toropdon in dandi-Mu, dika kaasí poompáan-Mumai in kami; dodandian-Mu takin inami dikabí inggamáan-Mu. Yerusalem in tampat pomomarentaan-Mu inta momulia, dika kaasí poompáan-Mumai.

YEREMIA 14:7

Umat-Ku nokuani, ‘Tuhan, umpaka dosa nami mopotaḷá kon i nami tongá tuḷungaipa in kami podudui in dandi-Mu Iko in nopobui-buimaidon in sinaḷáan nami; totuu, kami in binaradosa kon ini-Mu.

YEHEZKIEL 20:14

Táe diábí inaidan-Ku intua popisí in moḷukad kon tangoi-Ku, sinbá tangoi-Ku diá singkuḻeon in bangusa mita inta nokoontong kon i-Nakó nodia kon Israel iḻumuai nongkon Mesir.

YEHEZKIEL 20:22

Táe Akuoi in diábí nogaid kon tua sinbá tangoi-Ku in diá singkuḻeon in bangusa mita inta nokoontong kon i-Nakó nodia kon Israel iḻumuai nongkon Mesir.

YEHEZKIEL 20:44

Aka moiko pomiaan-Kudon natua popisí in tangoi-Ku, bo deemanbí pinodoyon kon dodiamu inta diá mopia bo aidmu inta moraat, dá kotaauandon monimu intau in Israel kon Akuoibí in ki Tuhan. Akuoi ki Tuhan Inta Totok in moḷantud ain nosingog.”

YEHEZKIEL 20:9

Táe diábí inaidan-Ku intua, sinbá tangoi-Ku in diá singkuḻeon in bangusa mita inta kon pinogutunan monia. Sin kon tayowon in bangusa mita tatua, Akuoi in nopotaaudon kon bangusa Israel in diaan-Kudon ḷumuai nongkon Mesir.

SURAT I PAULUS KON JAMAAT RUM 9:17

Sin kon Buk Motusi ain pinais doman nanaa, “Ki Allah in noguman kon i Piraun, datu in Mesir, ‘Akuoi in mopobaḻí kon inimu datu, sinbá popoontongan in kawasa-Ku bo tangoimu moiwayadon kon sinangkub in dunia naa.’ ”

YOSUA 4:24

sinbá bayongan in intau kon dunia monotaaudon kon nádomai tua in koḷoḷoben in kawasa i Tuhan. Bo bá moiko in umuran mohoromat kon i Tuhan Allahmu dapot in kopaḷutannea.”

YOSUA 7:9

Intau in Kanaan bo bayongan intau ibanea kon butá tanaa in mokodongogdon kon tua. Ḻibutandon monia bo ḻimodon in kami komintan! Yo onu in pomiaan-Mu sinbá tangoi-Mu in umuran horomaton?”

SAMUEL 1 12:22

Ki Tuhan ain nongibot, kon Sia in diábí monaḷámai kon i monimu sin Sia ain nonantú kon umat-Nea tontaní.