MAZMUR 105:1 - Alkitab Singog In Mongondow Masa In Tanaa

¹ Posukurdon kon i Tuhan, potaa-taaudon mako in koḷoḷoben-Nea, oumandon in aid-Nea kon bangusa mita.

MAZMUR 105:1 ပူးပေါင်းရင်းမြစ်များ

TAWARIKH 1 16:34

Posukurdon kon i Tuhan sin mopia in Sia; tabi-Nea in mononoi.

TAWARIKH 1 25:3

Ki adí ḷoḷaki i Yedutun inta taya onom: ki Gedalya, ki Zeri, ki Yesaya, ki Simei, ki Hasabya bo ki Matica. Kon bonu in tongganut i amá monia, mosia in mopotaau in koyow nongkon i Allah takin kokuti-kuti in musik kecapi, bo mosia in mopodondong in dondong dodayow bo sukur kon i Tuhan.

TAWARIKH 1 29:13

Tanaa, o Allah nami, kami mopoyaput in sukur kon ini-Mu, bo modayow in kami kon tangoi-Mu inta moḷantud.

TAWARIKH 1 29:20

Nopaḷut mako nosambayang natua, ki Daud in noguman kon intau nobayong inta noyosipun kon tua, “Dayowdon in ki Tuhan Allahmu!” Dá bayongan in intau kon tua nodayow kon i Tuhan, Allah inta sinumba in mogoguyang monia. Bo sinumungkud in mosia sin mohoromat kon i Tuhan bo datu.

MAZMUR 106:1

Posukurdon kon i Tuhan, sin mopia in Sia; tabi-Nea in mononoi.

MAZMUR 89:1

Dondong topotundú i Etan, intau in Ezrahi.

MAZMUR 96:3

Oumandon in koḷoḷantud-Nea kon bangusa mita, bo aid-Nea mita inta motoyang kon umat intau.

MAZMUR 99:6

Ki Musa bo ki Harun noitakin doman in imang-Nea mita, ki Samuel in intau tobatú inta nosambayang kon i-Nia. Mosia in nokuani kon i Tuhan, bo sinubagan-Nea.

YESAYA 12:4

Moiangoibí in wakutunea moiko in moguman, “Posukurdon kon i Tuhan, bo sumbadon in Sia. Potaaudon kon bangusa mita koagungan bo bayongan in inta inaidan-Nea.

YESAYA 51:10

Iko doman inta nogingkag kon dagat, tubig in baḷangon inta modaḷom. Iko in nomia kon daḷan nongin tubig tatua, sinbá intau mita inta posaḷamaton motaau ḷumoḷan.

DANIEL 3:29

Tuamai in akuoi in momarenta kon bayongan in intau nongkon bangusa, inanakan andeka bahasa onuka, inta moningkuḻe kon i Allah inta sinumba i Sadrakh, i Mesakh bo i Abednego, yo pongko-pongkóonbí bo baḷoinea in umpagon bo baḻíon bonturungan in apug. Sin diábí in dewa in mokoaid kon onu inta inaidan i Allah tatua.”

YOËL 2:32

Táe ki ine in mokituḷung kon i Tuhan, in posaḷamatonbí. Ki Tuhan in noguman, “Kon Yerusalem intau mita inta piniḻí-Ku in mosaḷamatbí.”

PINOGIAPAN 23:23

Diábí in totaau in kumaan kon i Yakub diábí in ponggaing in mokomampu monayow kon Israel. Tosingogon in intau soaḷ bangusa tatua, ‘Indoiai in mokoherang inta inaidan i Allah!’

OUMAN IN RASUL MITA 9:14

Bo tanaa in sia in namangoi domandon naa sin inogoiandon doman i imang mita itoi in kasampatan modomok kon bayongan intau inta mopirisaya kon ini-Mu.”

SURAT I PAULUS KON JAMAAT RUM 10:13

Kon bonu in Buk Motusi ain pinais nanaa, “Bayongan intau inta mokuani kon i Tuhan in mosaḷamatbí.”