MAZMUR 104:25 - Alkitab Singog In Mongondow Masa In Tanaa

²⁵ Indoiaidon in dagat inta nooḷad noibontang, takin mahaḷuk inta moḷoben mointok diá koiapan.

MAZMUR 104:25 ပူးပေါင်းရင်းမြစ်များ

KINOBAḺIAN 1:28

Onda intua binarakatan-Neadon in mosia poḷat noguman, “Pononggadí bo pononggompudon kobarongon, sinbá buímu in ḻimitú bo mongawasa kon tua mita. Moiko in ogoian-Ku in oaidan monompia kon toyá mita, ḷagapan mita, bo bayongan mahaḷuk ibanea inta kaḻig.

KINOBAḺIAN 3:1

Uḷag naa in mahaḷuk inta totok in mopandoi monguboḷ nongkon sigad in bayongan mahaḷuk inta pinomia i Tuhan Allah. Uḷag tatua in noḻibó kon bobay tatua, “Totuu degá kon ki Allah in nogimaḷow kon i monimu mokaan kon bungai mita in pangkoi ayop kon taman tanaa?”

MAZMUR 69:34

Sin ki Tuhan nokidongog kon intau inta nobogá; diábí pinomayá-Nea mako in umat-Nea kon bonu in ponjara.

OUMAN IN RASUL MITA 28:5

Táe pinomisik i Paulus kon tuḷu in uḷag tatua bo topiḻikmai diábí nogamui kon monakit.

ULANGAN 33:19

Mosia in nogoiní kon bangusa mita minayá in buḷud monia bo moposumba in kuruban inta mobanar kon tua. Mosia in mokouḻí kon kaoyúonan nongkon dagat, bo nongkon bungaion kinoouputbí in pintad.”