MAZMUR 104:14 - Alkitab Singog In Mongondow Masa In Tanaa

¹⁴ Iko in nomiag kon bonok kokaanon in bobiagon, bo kon intau in noyagi-yagimai in pinomuḷa. Dá motaaudon in sia monompinomuḷa,

MAZMUR 104:14 ပူးပေါင်းရင်းမြစ်များ

KINOBAḺIAN 2:5

diápabí in nobiag nion nonokat bo diápabí doman in pinomuḷa kon dunia naa, sin diápa pinopoponagan i Tuhan in uyan bo diápa doman in intau mononggobá kon butá tatua.

KINOBAḺIAN 2:9

Ki Tuhan Allah in nopobiag in bayongan pangkoi in kayu inta mongogaga, inta mopomungai doman in ayop inta mopia. Kon yua-yuak in taman tatua nobiag domandon in kayu inta mobogoi in kobiagan bo pangkoi in kayu inta mobogoi in pongotahuan kon soaḷ inta mopia bo inta moraat.

KINOBAḺIAN 3:18

Bonganga bo dugi mita poḷuaion in butá kon inimu, bo mobobiag mita inta tongá kino bia-biagnea in mobaḻí kokaanonmu.

KINOBAḺIAN 4:12

Aka iko monompinomuḷa, butá in diábí mopoḷuai bungai in boyó. Iko in mobaḻídon intau inta tongá tantú maya-mayá mako, diá motantú kon tampat bo diá in pogutunan kon dunia naa.”

KINOBAḺIAN 9:3

Bayongan intua motaaubí mobaḻí kokaanonmu, ná doman tua in mobobiag mita inta nongoḷunow; bayongan tua in ogoi-Ku kon inimu sin baḻíon kokaanonmu.

DATU MITA IMITÁNEA 18:5

Ki Ahab noguman kon i Obaja, “Koḻigai modondaḷoi in kita kon bayongan in butá tanaa bo motayak kon bokaká andeka ongkag. Degá bo mokouḻíbí in kita kon bonok sinbá mobiagpa in kabaḷo bo bagal naton sinbá diáka bidon in kita moḻimod kon tobatúmai in bobiagon naton.”

AYUB 28:5

Butá mobogoi in pakéon in intau, táe kon ḻimonag in butá tatua doman, komintan sinunggai magí mako dá tombonu in butá in notungkauidon.

AYUB 38:27

Ki ine in nomutak kon butá inta noingkag totok tua dá bonok in monubu komintan?

MAZMUR 136:25

Kon batúan in inta nobiag inogoian-Nea in kaanon; tabi-Nea in umuran mononoi.

AMSAL 27:25

Bonok kon gobá bo kon buḷud in ratabon bo sipunon sin pokaan kon bobiagon tatua, táe kon dodaipa doman intua mobiagdon bui in bonok inta mobagu.

YOËL 2:22

Ei mahaḷuk mita, dikadon moḻia-ḻiaw in gina. Rawang mita in bonok tanaa in iḷumunowdon. Pangkoi mita in kayu modatog in bungainea, bungai mita in anggur bo ara mobarongdon totok.

KORINTUS 1 3:7

Manangka intua ki Allahbí in moponti-ponting, sin Sia in mobogoi in kobiagan. Ki inta nomuḷa bo ki inta nomuta-mutak in diábí totok moponting;

ULANGAN 11:15

bo bonok kaanon in bobiagonmu. Bayongan in kaanon inta paraḷuon monimu in koposadiaan-Neabí kon monimu.