MAZMUR 104:13 - Alkitab Singog In Mongondow Masa In Tanaa

¹³ Nongkon ḷangit pinoonag-Mu in uyan kon buḷud, butá nopuḻing in aid in ḻima-Mu.

MAZMUR 104:13 ပူးပေါင်းရင်းမြစ်များ

AYUB 38:37

Ki ine in moarip inta mokoiap kon goḷom bo mopotongkob dá monguyan,

MAZMUR 104:3

bo noposindog in Baḷoi-Mu kon tudu in tubig kon ḷangit. Goḷom mita binaḻí-Mu kereta-Mu, Iko in sinumakoi kon koḻikip in tompot.

MAZMUR 147:8

Siabí in nopoukat in goḷom kon ḷangit; Sia in nosadia kon uyan poonag kon butá, bo nomiag bui kon bonok kon tombuḷud.

YEREMIA 10:13

Pinodoyon kon parenta, nomungkaurdon in tubig kon toḷungayá. Nongkon popod mita in dunia pinoangoi-Nea in goḷom, bo binaḻí-Nea in kilat nonindar kon bonu in uyan, bo pinotabá-Neadon mangoi in tompot nongkon tampat pototagúan-Nea.

YEREMIA 14:22

Dewa mita in bangusa mita diá mokopoḷabú in uyan kon butá. Ḷangit in diábí doman mopoḷabú monag in uyan podoyon kon kawasanea tontaní. Tongábí Iko in andoḷan nami. Inaidan-Mu intua komintan nobaḻí.

AMOS 9:6

Ki Tuhan in moposindog in baḷoi-Nea moyayú kon toḷungayá, kon tudu in butá pinosindog-Nea in ḷangit nobaḻí kubah, bo tubig nongkon dagat pinopobutak-Nea kon toba, inta nogaid kon tua mita tangoi-Nea in ki Tuhan!

MATIUS 5:45

aka moiko mogaid kon natua yo moiko in mobaḻí ki adí mita i Amámu inta kon soroga. Sin ki Allah in mobogoi mata in singgai-Nea kon intau moraat bo kon intau mopia bo Sia doman inta mobogoi in uyan kon intau inta mobanar bo kon intau inta mouboḷ.

OUMAN IN RASUL MITA 14:17

Táe umuran-Neabí poniata in totabi-Nea bo mobogoi kon onu inta mopia. Ogoian-Nea in uyan nongkon ḷangit bo hasil in butá kon musimnea. Umuran-Nea inogoian in kaanon in moiko bo pinosanang in gina monimu.”

ULANGAN 11:11

Táe butá inta bain tuotan monimu tua in buḷud bo ḷopá mita; butá kon tua in uyanbí in momobat.