MAZMUR 103:21 - Alkitab Singog In Mongondow Masa In Tanaa

²¹ Dayowdon in ki Tuhan, ei bayongan in mahaḷuk kon soroga, bayongan in mogogundoi-Nea inta nogaid kon kinoibog-Nea.

MAZMUR 103:21 ပူးပေါင်းရင်းမြစ်များ

KINOBAḺIAN 32:2

Naonda in ki Yakub nokoontong kon i monia, sia in noguman, “Naa ḷoḷaigan i Allah,” tuamai sinangoiannea in tampat tatua Mahanaim.

DATU MITA IMITÁNEA 22:19

Ki Mikha in noguman bui, “Tanaa in indongogai in onu inta pinoguman i Tuhan! Akuoi in nokoontong kon ki Tuhan in iḻimitú kon ḷoḻitúan-Nea kon soroga, bo bayongan in malaekat-Nea sinimindog kon diug-Nea.

TAWARIKH 2 18:18

Ki Mikha in noguman bui, “Tanaa in indongogaidon onu inta pinoguman i Tuhan! Akuoi in nokoontong kon ki Tuhan in iḻimitú kon ḷoḻitúan pomomarentaan-Nea kon soroga, bo bayongan in malaekat-Nea in sinimindog kon diug-Nea.

NEHEMIA 9:6

Onda intua rayat in Israel nosambayang nanaa, “Ikobí in Tuhan, Ikobí inta Totobatú tua; Inaidan-Mu in tundi bo toḷungayá, dagat bo butá takin bayongan in tombonunea, bo inogoian-Mu in kobiagan bo iḷukadan-Mu. Kon ini-Mu bayongan in kawasa kon ḷangit tumungkud mosumba; mosia in tumonsiup kon ini-Mu bo tumungkud.

MAZMUR 104:4

Tompot in binaḻí totabá-Mu, bo kilat in mobobantung-Mu.

MAZMUR 33:6

Ki Tuhan in nomarenta, dá nobaḻí in ḷangit; mata in singgai, buḷan bo tundi pinomia-Nea pinongin tosingogon-Nea.

MAZMUR 68:17

Nongonu sin nongkon tudumu inta mobayong nion iko in mobobuibí takin intoi kon Buḷud in Sion inta piniḻí i Allah pogutunan-Nea? Ki Tuhan in mogutunbí kon tua modapot in mononoi.

MATIUS 13:41

Adí Intau nopotabá kon malaekat-Nea mita mosipun kon bayongan inta mokopoḷaḻe, bo komintan intau inta nogaid kon moraat kon bonu in Dodatuan-Nea.

LUKAS 2:13

Bo daḻídon malaekat tatua sinakinan in malaekat inta nobarong ibanea, inta nodayow kon i Allah, kai monia,

IBRANI 1:14

Aka natua, onubí in malaekat mita tatua? Mosia tua in rohobí mita inta mobantung kon i Allah, inta pinotabá i Allah mamangoi motuḷung kon intau mita inta bain motarima kon kasaḷamatan.

YOSUA 5:14

“Deemanbí yobayat, bo deemanbí doman musung,” tubag in intau tatua. “Akuoi namangoi in naa saḷaku Itoi in tontara i Tuhan.” Naonda in nokodongogmai kon tua, ki Yosua baḷú sinumungkud nosumba kon intau tatua. Ki Yosua noguman, “Akuoi naa in mogogundoi i Tuang. Onu in motaau aidanku kon i Tuang?”