MAZMUR 103:19 - Alkitab Singog In Mongondow Masa In Tanaa

¹⁹ Ki Tuhan in nomarenta kon soroga, Sia in datu inta nongawasa kon bayongan in yagi-yagi.

MAZMUR 103:19 ပူးပေါင်းရင်းမြစ်များ

TAWARIKH 1 29:11

Iko in totuu moḷoben, bo nongawasa. Iko in momulia, ponango-nangoian bo moagung. Bayongan in yagi-yagi kon ḷangit bo kon butá Ikobí in kitogi. Iko in Datu Moḷoben, pongawasa kon bayongan in yagi-yagi.

TAWARIKH 1 29:12

Bayongan in kaoyúonan bo kobiagan motompia nongkon ini-Mubí komintan; bayongan in yagi-yagi in kon bonubí in kawasa-Mu inta moropot tua; Ikobí in kitogi kawasa mopobaḻí kon inekabí in mobaḻí intau moḷoben bo moropot.

MAZMUR 11:4

Ki Tuhan in oyúon kon Baḷoi-Nea inta motusi, tampat pomomarentaan-Nea in kon soroga. Sia in umuran monaridi kon umat intau bo nonotaau kon bayongan in oaid monia.

MAZMUR 115:3

Ki Allah naton in kon soroga, Sia in mogaid kon onu in kinoibog-Nea.

MAZMUR 2:4

Nongkon ḷoḻitúan pomomarentaan-Nea kon soroga ki Tuhan kinomosing bo moningkuḻe kon tomayá monia.

MAZMUR 47:2

Ponggoḷokapdon takin pia in gina, ei bayongan in bangusa! Dayowdon in ki Allah takin yogiow!

MAZMUR 9:7

Musung nami in nodaitdon iyopú, kotá mita monia irimumud-Mu; diádon in monorop bui kon tua.

YESAYA 66:1

Ki Tuhan in noguman, “Ḷangit in ḷoḻitúan-Ku pomarentaan, bo butá in tosindogan-Ku. Dá baḷoibí naonda in posindogonmu kon i-Nakó, bo tampat onu in pomiaanmu sin pogutunan-Ku?

DANIEL 4:17

Tuata in bontow in tosingogon nami malaekat mita inta umuran kiḷuka-ḷukadmai bo inta tantú nokopoingat. Makusud nami in bá intau mita kon ondaka yo mongaku, kon ki Allah Inta Totok in moḷantud in kitogi kawasa kon dodatuan in intau bo dodatuan tatua in ogoi-Nea kon i inekabí in piniḻí-Nea, nodapotbí in kon intau inta totok in diá in mangaḻenea!’

DANIEL 4:25

Ki Tuangku in poguntunon nongkon yua-yuak in intau bo mobiagdon kon sigad in mahaḷuk mita kon rawang. Pitu notaong in koonggotnea ki Tuangku in mokaan kon bonok naonda bo sapi bo mosiug kon rawang inta diá in oḻi-oḻingoinea, modapot in mobuntad kotugatan in oḷú. Mopaḷut mako kon tua ki Tuangku in mongakudon kon ki Allah Inta Totok in moḷantud in kitogi kawasa kon dodatuan in intau, bo dodatuan tatua in ogoi-Nea kon i inekabí in piḻíon-Nea.

DANIEL 7:14

Sia in inogoian in kahoromatan bo kawasa saḷaku datu, dá bayongan in intau nongkon bayongan in bangusa, inanakan bo singog in nogundoi kon i-Nia. Kawasa-Nea in modapot in mononoi, pomarentaan-Nea in diábí poḷabúon.

IBRANI 8:1

Naabí in pangkoi totok onu in inouman naton: Oyúondon in Imang Moḷoben naton ná tatua inta iḻimitú nomarenta noyotakin i Allah inta totok Momulia kon soroga.

PETRUS 1 3:22

bo ain namonik in soroga. Bo tanaa mako Sia ain nongawasa noyotakin i Allah bo nomarenta doman kon bayongan malaekat, bayongan mongongawasa bo bayongan ropot kon dunia naa.