MAZMUR 103:17 - Alkitab Singog In Mongondow Masa In Tanaa

¹⁷ Táe ki Tuhan in umuranbí motabi kon intau inta motoguondok, kopopia-Nea in modapotbí kon adí bo ompu

MAZMUR 103:17 ပူးပေါင်းရင်းမြစ်များ

MAZMUR 100:5

Sin ki Tuhan tua in mopia; tabi-Nea in mononoi, bo kososatia-Nea in modapot in adí bo ompu.

MAZMUR 111:3

Aid i Tuhan totuu moḷantud bo dinayo-dayow, kooadil-Nea in mononoi totok.

MAZMUR 118:1

Posukurdon kon i Tuhan sin Sia in mopia, tabi-Nea in mononoi.

MAZMUR 22:31

Bui mita moiduduimai in mosumbabí kon i Tuhan, Sia in umuranbí popotaau kon bayongan in adí bo ompu.

MAZMUR 25:6

Toropdon in kopopia bo tabi-Mu, o Tuhan, inta pinoontong-Mu nongkon dungkuḷ.

MAZMUR 90:16

Poontongdon kon inami inta pinomia-Mu kon inami mogogundoi-Mu mita, bo kawasa-Mu inta mogaga kon buí nami.

IḶUAIAN 20:6

Táe Akuoi in mopoontongbí in tabi-Ku kon ribuan buí in intau mita inta motabi kon i-Nakó bo inta motoindudui kon parenta-Ku.

YESAYA 41:8

Táe iko, Israel, mogogundoi-Ku, umat inta piniḻí-Ku, iko in buí i Abraham, yobayat-Ku.

YESAYA 46:13

Akuoi in mopodiug bidon kon singgai popoḷuatan, kasaḷamatan inta ogoi-Ku in diá bidon mobaḷui. Akuoi in moposaḷamatbí kon Yerusalem, bo mobogoi in kahoromatan kon Israel.”

YESAYA 51:6

Ḷangagaidon in ḷangit bo indoiai in butá; ḷangit in moinggamábí naonda bo poyok bo butá in mokoyonganbí naonda bo ḷambung noketek, bayongan in intau kon bonunea in matoi naonda bo yongit. Táe kasaḷamatan inta ogoi-Ku in umuranbí mononoi, bo kountungan-Ku in diábí in imbuitnea.

YEREMIA 31:3

nongkon noyayú Akuoi nokipogontong kon i monia. Ei umat Israel, nongkon koḻipodpabímai Akuoi umuran monotabi kon i monimu, bo umuranbí doman in Akuoi moponiata kon Akuoi in umuranbí motabi kon i monimu.

DANIEL 9:24

Pitu pokali kon pitu nopuḷú notaong in sempo inta ain sinantú i Allah sin mopoḷuat kon bangusamu bo kotámu inta motusi tatua nongkon dosa bo aid moraat. Bayongan in dosa in ampunganbí bo kooadil inta mononoi in posindogonbí, dá oontongon bo toḻindap tatua in moniatadon, bo Baḷoi Tuhan inta motusi tatua in posumba bui kon i Tuhan.

MIKHA 6:5

Umat-Ku, toropdon onu in sinomayá i Balak datu in Moab kon inimu, bo onu in sinubagan i Bileam ki adí i Beor kon inia. Toropdon onu in nobaḻí kon binayáan kon sigad in ḷoḷaigan kon Sitim bo kon Gilgal. Aka kotoropan monimu komintan intua, yo kotaauandon monimu onu inta ain inaidan-Ku sin moposaḷamat kon i monimu.”

SURAT I PAULUS KON JAMAAT RUM 1:17

Sin pinongin Habar Mopia tatua ki Allah in nopoontongdon kon naonda in pogogaid sinbá hubungan in intau bo i Allah in moyoguḻitdon bui: aidnea kon tua in tongábí mopirisaya kon i Allah nongkon pinomangkoianpamai modapot in pangabisan. Tua in ná inta ain pinais kon bonu in Buk Motusi, nanaa, “Intau in nopirisayadon kon i Allah, sahingga in hubungannea takin i Allah notompiadon bui, bo intau tatua in mobiagbí!”

SURAT I PAULUS KON JAMAAT RUM 15:8

Torop in naa, ki Kristus ain nobantung kon intau in Yahudi sin mopoontong kon ki Allah in mogaidbí kon onu inta ain pinodandi-Nea kon mogoguyang naton.

ULANGAN 10:15

Táe tabi i Tuhan kon mogoguyang monimu ná domai tua in koḷoben, nodapot in nongkon sigad in bayongan bangusa moikodon nion in piniḻí-Nea, bo nodapotpabí in masai in tanaa moiko in umat-Nea inta kinopiḻían.

TIMOTIUS 2 1:9

Ki Allah in noposaḷamat bo nogoiní kon i naton bá mobaḻí umat inta kinotabi-Nea. Tua in inaidan-Nea, deemanbí pinodoyon kon oaid naton mopia, táe pinodoyon-Neabí kon makusud-Nea tontaní bo totabi-Nea inta pinongin i Kristus Yesus kon wakutupa in dunia naa diápa pinomia.

PETRUS 2 1:1

Utat mita inta totu-totuudon nopirisaya ná doman kami naa! Ki Yesus Kristus, inta Allah bo Datu Mopoposaḷamat naton in nobogoidon in kasampatan kon i naton mopirisaya kon i-Nia, sin Sia ain nogaid kon onu inta mobanar. Surat tanaa in nongkon i Simon Petrus, tobatú mogogundoi bo rasul i Yesus Kristus.