MAZMUR 103:11 - Alkitab Singog In Mongondow Masa In Tanaa

¹¹ Táe ná sigad in ḷangit bo butá, natua in koḷoben in tabi-Nea kon intau inta motoguondok kon i-Nia.

MAZMUR 103:11 ပူးပေါင်းရင်းမြစ်များ

AYUB 22:12

Ki Allah in nogutun kon ḷangit inta moḷantud totok, bo moḷongow monag kon tundi mita inta moḷantud totok doman!

MAZMUR 103:17

Táe ki Tuhan in umuranbí motabi kon intau inta motoguondok, kopopia-Nea in modapotbí kon adí bo ompu

MAZMUR 117:2

Sin moḷobenbí in tabi Tuhan kon inaton kososatia-Nea in umuranbí mononoi. Dayowdon in ki Tuhan!

MAZMUR 31:20

Totuu mobayong in tabi-Mu inta sinadia-Mu kon intau inta mopirisaya! Pomuḷoi in intau mokoontong kon kopopia inta pinomia-Mu, kon i monia inta nokioḻingoi kon ini-Mu.

MAZMUR 36:5

Kon tosiugan sia in monomayábí mako kon moraat; aidnea diábí in mopia, inta moraat diábí in inindoínea.

MAZMUR 57:10

Tuhan, akuoi in moibog mopoyaput in sukur kon ini-Mu kon yua-yuak in bangusa mita. Moibog in akuoi mopodondong in dodayow kon ini-Mu kon yua-yuak in umat intau.

MAZMUR 89:2

Totabi-Mu, Tuhan, in popodondongku modapot in mononoi, kososatia-Mu in umurankubí potaa-taau mako modapot kon adí bo ompu.

AMSAL 25:3

Naonda bo baḷangon inta modaḷom bo ḷangit inta moḷantud, natuata in raian in datu diá kotaauan.

YESAYA 55:9

Ná kinoyoyayú in ḷangit nongkon butá, dá natua doman in koḷantud in raian-Ku nongkon raianmu, bo daḷan-Ku kon ḻimonik in daḷanmu.

LUKAS 1:50

Sia umuran mobogoi in totabi-Nea kon bayongan intau inta moondok kon i-Nia.