MAZMUR 103:10 - Alkitab Singog In Mongondow Masa In Tanaa

¹⁰ Sia in diábí mohukum kon inaton podudui in dosa naton, andeka motuḻí kon inaton podudui in taḷá naton.

MAZMUR 103:10 ပူးပေါင်းရင်းမြစ်များ

EZRA 9:13

Kami in binaradosadon bo iḻimimpatdon kon hukum-Mu, bo Iko in nohukumdon kon inami. Táe kinotaauanbí nami, o Allah nami, kon hukuman inta inogoi-Mu tua in diábí ná kobogat in inta musti tarimaan nami, nodapotbí in kami in pinosaḷamat-Mupabí.

NEHEMIA 9:31

Táe popisí in tabi-Mu moḷoben diá in poḻiuan, diábí sinaḷáan andeka irimumud-Mu in mosia. Totuu, Ikobí in Allah inta diá in poḻiuan; moḷoben in tabi-Mu, nopuḻing in tabi!

AYUB 11:6

Bo igumon mako popotaauan-Nea in iko, kon hikmat tua in nobayongbí in batangannea, bo diábí komangaḻean in intau. Dá pokosadardon kon rorigamu in diábí tongo onu, poyobandingonmai in hukuman inta patus tarimaanmu.

AYUB 33:27

Dá kon tayowon in intau moantó sia in moguman, ‘Inta moraat inanggapku mopia, moḷobenbí in dosaku, tongá ki Allah in diábí nohukum kon inakó.’

MAZMUR 130:3

Aka umuran toropon-Mu in dosa nami, o Tuhan, ki inebí in mokotongod?

OMBAḶ 3:22

Tabi i Tuhan in umur mononoi, totabi-Nea in diábí modai-dait,

HABAKUK 3:2

O Tuhan, dinongogkudon onu inta inaidan-Mu, dá moodom in korasaanku kon gina. Igumon mako aid moḷoben tatua in bui aidan-Mu bo poniata-Mu kon kinobiagan nami naa. Igumon mako kotabi-Mu in kami umpakabí mopatú in gina-Mu.