MAZMUR 102:20 - Alkitab Singog In Mongondow Masa In Tanaa

²⁰ Ki Tuhan in nobobui nongkon tampat-Nea inta moḷantud, nongkon soroga iḷumongow in Sia kon butá

MAZMUR 102:20 ပူးပေါင်းရင်းမြစ်များ

DATU MITA 2 13:4

Bo ki Yoahas in nosambayang kon i Tuhan, bo inindongogan i Tuhan in sambayang tatua, sin ki Tuhan in nokoontong kon moromúdon totok in pinonondorot i datu in Siria kon intau in Israel.

AYUB 24:12

Kon kotá mita kodongogandon in amui in intau inta dongkadon oḷaton, intau mita inta pinaḻían nokuani mokituḷung, táe ki Allah in diábí nokidongog kon sambayang monia; Sia in doíbí mopandungmai kon i monia.

MAZMUR 146:7

Sia in moduḷu kon hak in intau mita inta sinoko dorot, bo mobogoi in kaanon kon intau inta ginogoi. Ki Tuhan in mopoḷuai kon intau mita inta pinonjara,

MAZMUR 79:11

Indongogaipa kaasí in ongot in intau mita inta pinonjara; igumon mako intau mita inta ain sinantú matoi in pomayádon mako popisí in kawasa-Mu.

IḶUAIAN 3:7

Bo ki Tuhan noguman, “Inontong-Kudon in roriga in umat-Ku kon Mesir, bo dinongog-Ku domandon in mosia mopoigum sin poḷúat nongkon pinononggataan kon i monia. Ain bidon kinotaauan-Ku in roriga monia.

YESAYA 14:17

Sia naa degá inta norimumud kon kotá mita bo nomaḷui kon dunia naa nobaḻí rawang in bungaion? Sia naa degá inta diá kon dodai in onda in nomuḻi kon intau mita inta dinakopnea andeka inta nopomayá mako kon i monia nobui?’

ULANGAN 26:15

Nongkon tampat-Mu inta motusi kon soroga koibogpa in Iko moḷongow bo momarakat kon umat-Mu Israel; barakataidon doman in butá nooyúon bo mopia inta ain inogoi-Mu kon inami podudui in dandi-Mu kon mogoguyang nami.’ ”