MAZMUR 100:4 - Alkitab Singog In Mongondow Masa In Tanaa

⁴ Tuotdon mongin bonawang-Nea takin dondong sukur, kon bonu in dangkuḷon-Nea takin dodayow mita. Posukurdon kon i-Nia bo dayowondon in tangoi-Nea!

MAZMUR 100:4 ပူးပေါင်းရင်းမြစ်များ

TAWARIKH 1 29:13

Tanaa, o Allah nami, kami mopoyaput in sukur kon ini-Mu, bo modayow in kami kon tangoi-Mu inta moḷantud.

TAWARIKH 1 29:20

Nopaḷut mako nosambayang natua, ki Daud in noguman kon intau nobayong inta noyosipun kon tua, “Dayowdon in ki Tuhan Allahmu!” Dá bayongan in intau kon tua nodayow kon i Tuhan, Allah inta sinumba in mogoguyang monia. Bo sinumungkud in mosia sin mohoromat kon i Tuhan bo datu.

MAZMUR 122:2

Tanaa in kami moiyaputdon kon bonawang in kotá in Yerusalem.

MAZMUR 122:4

Kon naa in angoian in bayongan in suku bangusa, suku mita in bangusa inta piniḻí i Tuhan, sin mopoyaput in sukur kon i-Nia podudui in parenta-Nea.

MAZMUR 65:1

Kon i itoi in mododondong. Mazmur i Daud. Dondong.

MAZMUR 66:13

Akuoi in modiabí kon kuruban payongon kon Baḷoi-Mu bo mogintompod kon dandiku kon ini-Mu,

MAZMUR 95:2

Koḻigai in kita mayá in tayowon-Nea takin dondong sukur, moronggiow kon i-Nia takin dondong dodayow.

MAZMUR 96:2

Podondongdon kon i Tuhan bo dayowdon in Sia; pomuḷoi in singgai potaa-taaudon mako in habar mokosanang kon Sia in noposaḷamatdon kon inaton.

MAZMUR 96:8

Dayow in tangoi-Nea inta moḷantud, bo diádon in kuruban kon bonu in Baḷoi-Nea.

MAZMUR 99:3

Biódon mako in mosia modayow kon tangoi-Nea inta moḷoben bo momulia. Mokudusbí in Sia!

YESAYA 35:10

Intau mita inta pinoḷuat i Tuhan in mobuibí; mosia in tumuot kon kotá in Yerusalem takin giow, pogot monia in moḷumbá popisí in ḷunganga in gina inta mononoi. Mosia in moḷunganga in gina bo morame; robonoḷ in gina bo amui moinggamádon komintan.

IBRANI 13:15

Tuamai potonsigad naton kon i Yesus, kita in musti umuran modayow kon i Allah; tua in nobaḻí kuruban sukur naton kon i-Nia, inta pinosumba naton pinongin singog in bibig sin mopomulia kon tangoi-Nea.