MATIUS 9:37 - Alkitab Singog In Mongondow Masa In Tanaa

³⁷ Dá Sia in noguman kon murí-Nea mita, “Inta koyuton totuu modamaḷ táe mokokoyut in tongá topiḻik.

MATIUS 9:37 ပူးပေါင်းရင်းမြစ်များ

MAZMUR 68:11

Bo umat-Mu in nogutun kon tua; kon bonu in kopopia-Mu, o Allah, Iko in noḷukad kon intau nobogá.

MATIUS 20:1

“Pomomarenta i Allah naonda bo poumpamaan tanaa: Oyúon ki togi gobá, subupa sia aindon iḷumuai bo notayak kon intau mita inta pokiaidan kon gobá in anggurnea.

MATIUS 28:19

Tuamai, bayádon, bo baḻídon in bayongan intau dumodudui-Ku, bo baptisdon in mosia podoyon kon tangoi i Amá, Adí, bo in Roho i Allah.

MATIUS 9:38

Manangka intua poigumdon kon i togi gobá sinbá potabá-Neadon mangoi in mokokoyut mita kon onu inta paraḷu koyuton tua.”

MARKUS 16:15

Guman i Yesus kon i monia, “Bayádon in bayongan dunia naa bo potaaudon in Habar Mopia nongkon i Allah kon bayongan intau.

LUKAS 10:2

Ki Yesus in noguman nanaa, “Bungainea in mobayong totok, táe mononoḻisí kon bungainea in tongá topiḻik. Manangka intua poigumdon kon i togi gobá sinbá potabánea mangoi in intau inta mogogaid sinbá mosia in monoinut kon bungainea mita tatua.

LUKAS 24:47

Bo podoyon doman kon tangoi i Datu Mopoposaḷamat tatua mustibí popotaau kon bayongan in bangusa, kon intau in mustibí mogogai in mogaid kon inta diá mopia bo potaau doman kon ki Allah in mongampungbí kon bayongan dosa mita monia. Bo habar tatua in musti popotaau pangkoion kon Yerusalem.

OUMAN IN RASUL MITA 16:9

Nodoḷom monag, kon Troas, ki Paulus in nokoontong kon tobatú oontongon. Kon bonu in oontongon tatua sia in nokoontong kon intau in Makedonia tobatú sinimindog kon tayowonneamai bo totok in nopoigum sinbá mosia in mayápa in Makedonia motuḷung kon i monia.

OUMAN IN RASUL MITA 18:10

Sin Akuoi in umuranbí kotaki-takinmu. Bo diábí tobatúmai in motaau momogutú kon inimu, sin noantó bidon in intau kon naa in mopirisaya kon i-Nakó.”

KORINTUS 1 3:9

Kami naa in tongábí tumpaḷa mogaid kon onu in pinoki aid i Allah; bo moiko nion naonda bo gobá i Allah. Moiko naonda doman bo baḷoi i Allah.

KORINTUS 2 6:1

Saḷaku yobayat topogaidan i Allah, kami in mononggina kon i monimu; donaai tongá pomayá mako in totabi i Allah inta ain inogoi-Nea kon i monimu.

KOLOSE 4:11

Salam doman i Yesus inta dinonoi ki Yustus. Kon sigad in intau mita in Yahudi inta ain nopirisaya kon i Tuhan Yesus, yo taya toḷu naa in nobaḻídon yobayat topogaidanku inta mopoyaput in oaidan nongkon i Allah. Mokotuḷung totok in mosia kon inakó.

TIMOTIUS 1 5:17

Itoi mita in jamaat inta nopobayá in oaidannea notompia, patusbí in sia ogoian in ponghargaan kodua noguntuḷ in kopianea. Torutama mosia inta morajing totok in motundú bo mopoyaput in Habar Mopia.

YAKOBUS 5:4

Diá inuboḻian monimu in gaji in intau mita inta nogaid kon gobámu. Tanaa indongogaidon in amui monia! Intau mita inta nosipun kon hasil in gobámu, kinumarak nokituḷung bo karak monia tua ain kinodongogan i Allah, Tuhan inta Totok in Mokawasa.