MATIUS 9:36 - Alkitab Singog In Mongondow Masa In Tanaa

³⁶ Nokoontongmai kon intau moantó tatua, Sia inangoian totok in tabi kon i monia, sin mosia totokdon in moḷopí bo diádon kodaya, naonda bo domba inta diádon kogombala.

MATIUS 9:36 ပူးပေါင်းရင်းမြစ်များ

DATU MITA IMITÁNEA 22:17

Ki Mikha in notubag, “Akuoi in nokoontong kon tontara in Israel noirarit kon buḷud mita. Mosia tua in naondadon bo domba inta diá in gombala, bo ki Tuhan in noguman kon i monia, ‘Intau mita tanaa in diádon ko itoi. Biódon mako mosia in mobui takin mosaḷamat.’ ”

TAWARIKH 2 18:16

Ki Mikha in notubag, “Akuoi in nokoontong kon tontara in Israel noirarit kon buḷud mita. Mosia in naonda bo domba inta diá kogombala, bo ki Tuhan in noguman kon soaḷ mosia, ‘Intau mita tanaa in diádon koitoi. Pomayádon mako in mosia mobui takin pia-pia.’ ”

YESAYA 13:14

Intau ango-angoi inta nogutun kon Babel in moirangkapbí bo moḷagui mayá in ḻipúnea-ḻipúnea. Mosia in naonda bo rusa inta noḷagui nongkon moḷoḷutam, andeka paanan in domba inta diá in gombala.

YEREMIA 50:6

Umat-Ku in nádon domba inta pinomayá mako in gombalanea mita noiḷaḻe kon buḷud. Mosia in nodondaḷoi nongkon buḷud tobatú mopobayá in buḷud ibanea bo diádon kinotaauannea monia in baḷoi monia.

ZAKHARIA 10:2

Intau mita mopoigum in topotundú kon berhala mita bo mononoḻindap mita, táe tubag mita inta nouḻí monia in uboḷ bo tongábí kon bibig. Oyúon in noginsilang kon togoindop, táe insilang monia in tongábí mokopoḷaḻe kon i monimu, bo ḷoḻipoi inta inogoinea diá in mangaḻenea. Tuamai in rayat noirangkapdon magí-mako naonda bo domba. Moajar monia sin diá in itoi.

ZAKHARIA 11:16

Sin Akuoi in mopotabábí in gombala tobatú sin moḷukad kon paanan in domba-Ku, táe diábí pandungonneamai in domba inta nobuḻi; diábí tayakonnea in domba inta noiḷangkam, diábí doman mongundam kon domba inta kinekeban, bo diá mopokaan in domba inta nobiagpa. Nodapotbí in siadon tontaní in nokaan kon tapú in domba inta totok in noḷomumu bo norabut kon konuku mita in mahaḷuk tatua.

PINOGIAPAN 27:17

intau inta motaau baḻíon itoi kon dodai in mosia moparang. Dikapa pomayá mako in umat-Mu naa naonda bo paanan in domba inta diá in gombala.”

MATIUS 10:6

Táe bayádon kon intau mita in Israel, inta nongoiḷaḻe.

MATIUS 14:14

Naonda in mosia sinumubu ki Yesus nokoontong kon intau nobarong totok, dá noḻiai in gina-Nea popisí in tabi-Nea kon i monia. Bo inundaman-Nea in mosia inta notakit.

MATIUS 15:24

Táe ki Yesus in notubag, “Akuoi pinotabá mamangoi sin motayak kon intau mita in Israel inta nongobuḻi.”

MATIUS 15:32

Ki Yesus nogoiní kon murí-Nea mita bo noguman, “Akuoi motabi totok in mokoontong kon intau mita tanion. Mosia aindon toḷu nosinggai in dinumudui kon i-Nakó bo mosia in diá nodia kon kaanon. Akuoi in doíbí mopobui kon i monia kon dodai in mosia gogoyon, sin dikabo moumpag kon daḷan.”

MARKUS 6:34

Naonda in tubu monia, nobayong totok in intau inontong i Yesus kon tua. Dá totokdon inangoian tabi in Sia kon i monia, sin mosia tua naonda bo domba inta diá kogombala. Bo nomangkoidon in Sia nopoyaput in totundú kon i monia kon mobayong in soaḷ.

MARKUS 8:2

“Akuoi in motabi kon intau nobayong tanion. Toḷudon nosinggai in mosia kotaki-takin-Ku, bo tanaa mosia in diádon kokaanon.

IBRANI 4:15

Imang Moḷoben naton tua in deemanbí imang inta diá umuran kotaki-takin mokorasa kon yoyiga mita naton. Sia ain sinoba kon bayongan yagi-yagi ná doman kita naa; táe diá in Sia nogaid kon dosa!

IBRANI 5:2

Tongá mobayongpabí in kalemahan in imang moḷoben tatua, manangka intua sia in musti mokopoaḷus kon potosingog kon i monia inta diá monotaau kon onu bo onu bo kon i monia inta ain noitaḷá kon daḷan.