MATIUS 9:35 - Alkitab Singog In Mongondow Masa In Tanaa

³⁵ Natuata in inaidan i Yesus kon wakutu in Sia minaya-mayá mako in bayongan kotá bo ḻipu-ḻipúannea. Sia in nobogoi in totundú kon bonu in baḷoi mita pososambayangan bo nopoyaput in Habar Mopia kon naonda in ki Allah momarenta saḷaku Datu. Sia in nongundam doman kon bayongan takit bo yoyiga.

MATIUS 9:35 ပူးပေါင်းရင်းမြစ်များ

MATIUS 10:1

Ki Yesus in nogoiní kon murí-Nea inta mopuḷú bodoyowá tua bo nobogoi in kawasa kon i monia sin poguntun kon dimukud mita moraat bo pongundam kon bayongan takit bo roriga.

MATIUS 11:1

Naonda in ki Yesus nopaḷut nopoyaput in koyow tatua kon murí-Nea mita tatua, nobuatdon in Sia nongkon tua bo minayá nobogoi in topotundú poḷat nopotaau in Habar Mopia kon bonu in kotá mita monia.

MATIUS 11:5

Moiko ain nokoontong: intau bilog mokoindoi, intau ḻempeng mokobayá, intau pinanyaki kuḻit inta mokorongó nopia, intau bongoḷ mokodongog, intau minatoi in nobangon bo Habar Mopia pinoyaput kon intau mita bogá.

MARKUS 1:14

Naonda in ki Yohanes dinomok pinobonu kon ponjara, ki Yesus minayá in Galilea, bo nopotaau kon tua in Habar Mopia inta nongkon i Allah.

MARKUS 6:56

Kon ondakabí in bayáan i Yesus, kon ḻipú, kon kotá ande kon desa, intau mita in umuranbí doman mopodondon mangoi in intau mita mongotakit. Intau mita motakit tatua uḻidon monia kon tampat moḷuas. Bo totok in poigumon monia kompé intau mita motakit tatua ogoi moḻiai kon jubah i Yesus, umpakabí tongá ubungnea. Komintan intau inta noḻiai nongopia.

MARKUS 6:6

Ki Yesus noherang sin mosia in diá mopirisaya. Onda intua ki Yesus nopobayá in ḻipu-ḻipúannea inta nodiug kon tua, bo nobogoi in topotundú.

LUKAS 13:22

Onda intua ki Yesus minayá in kotá-kotáan bo ḻipu-ḻipúannea bo sindaḷan mopoyaput in Habar Mopia mopobayá ná Yerusalem.

OUMAN IN RASUL MITA 10:38

Bo kinotaauanbí domandon monimu kon ki Allah ain nomiḻí kon i Yesus intau in Nazaret tua bo nobogoi kon i-Nia in Roho i Allah bo kawasa. Kinotaauan domandon monimu kon ki Yesus tuata inta minayá in ḻipu-ḻipúannea bo nogaid kon inta mopia poḷat nongundam kon bayongan in intau inta kinawasa in Ibilis, sin ki Allah in umuran kotaki-takin-Nea.

OUMAN IN RASUL MITA 2:22

Utatku mita intau in Israel! Indongogai in singogku tanaa: Makusudku tua in ki Yesus intau in Nazaret. Sia pinotabá i Allah mamangoi kon imonimu. Tua in moniata kon i monimu sin Sia ain nogaid kon oaidan inta mokoherang totok bo nopoontong in tanda mita inta nongkon i Allah. Tua mita in inaidan-Nea kon yua-yuak monimu bo tua in kinotaauanbí monimu.