MATIUS 9:33 - Alkitab Singog In Mongondow Masa In Tanaa

³³ Bo naonda in dimukud moraat tatua inuntun-Nea, dodaipa doman tatua nokosingogdon in intau tatua. Intau moantó inta kon tua nongoherang bo nosingog, “Diápa kon dodai in onda in kami in nokoontong kon ná tanion kon Israel.”

MATIUS 9:33 ပူးပေါင်းရင်းမြစ်များ

DATU MITA 2 5:8

Kinodongogan i Nabi Elisa intua, bo nokidia in koyow tanaa kon i datu in Israel, “Nongonu sin mohawatirbí? Potabádon mangoi in intau tanion kon inakó sinbá kotaauanneadon kon naa kon Israel in oyúonbí in nabi tobatú!”

MAZMUR 76:1

Kon i itoi in mododondong. Takin ito-itog kecapi. Mazmur i Asap. Dondong.

YESAYA 35:6

Intau ḻempeng ḷumanduk magí-mako naonda bo rusa, intau bobó morogiow moḷunganga. Sin bokaká moitoput nongkon padang gurun, ongkag moiḻig kon rawang kayuon.

YEREMIA 32:20

Dungkuḷmai Iko in nogaid kon inta mokoherang bo soaḷ mita inta diá in poḻiu kon Mesir, bo dapot in tanaa doman Iko in umuranpabí doman mogaid kon natua, pinomayá kon sigad in intau in Israel andeka kon sigad in bayongan in bangusa ibanea. Tuamai tanaa Iko in ponango-nangoian kon bayongan tampat.

MATIUS 8:10

Naonda in dinongog i Yesus tosingogon in porwira tatua, noherang totok in Sia. Dá Sia in noguman kon intau mita inta dinumudui kon i-Nia, “Diápa kon dodai in onda in kinodungkuḷan-Ku in koḷoḷoben pirisaya ná tanaa kon sigad in intau in Israel!

MATIUS 9:32

Naonda in intau mita bilog tatua iḷumuai, diniadon mangoi kon i Yesus in intau bobó tobatú inta kinotoḷangan in dimukud moraat.

MARKUS 2:12

Bango-bangon in intau tatua bo nobingkat kon boḷad tosiugannea bo iḷumuai koonto-ontong monia komintan. Intau mita kon tua noherang takin pia in gina bo nodayow kon i Allah, kai monia, “Diápa dodai onda kita in nokoontong kon onu inta nobaḻí ná tanaa!”

LUKAS 11:14

Kon singgai tobatú ki Yesus noguntun kon dimukud moraat nongkon intau bobó. Naonda in dimukud moraat tatua iḷumuai kon intau bobó tatua, nokosingogdon in sia. Intau moantó kon tua in nongoherang,

LUKAS 7:9

Nokodongogmai kon koyow tatua, noherang totok in ki Yesus. Sia in nobobui kon intau mita inta dinumudui kon i-Nia bo poḷat nosingog, “Pirisaya námai naa in koḷoben diápa dodai onda in nouḻí-Ku kon sigad in intau Israel!”