MATIUS 9:31 - Alkitab Singog In Mongondow Masa In Tanaa

³¹ Táe iḷumuai in mosia bo nopotaa-taau mako kon onu inta inaidan i Yesus tatua kon bayongan in ḻipú kon tua.

MATIUS 9:31 ပူးပေါင်းရင်းမြစ်များ

MATIUS 14:1

Kon wakutu intua nodapotdon in habar mita kon i Herodes, datu in Galilea soaḷ bayongan inta inaidan i Yesus.

MATIUS 28:15

Sinarima monia in doit tatua bo dinuduian monia onu inta pinoguman bo pinoki aid kon i monia. Bo ouman tanaa aindon nodapot kon intau mita in Yahudi dapot masa in tanaa.

MATIUS 4:24

Onu in inaidan i Yesus tua noisiardon kon bayongan ḻipú kon Siria, dá diniadon monia pinobayá kon i-Nia in bayongan intau inta nongotakit noonggotdon. Noyagi-yagimai in takit, oyúon in kinotoḷangan in dimukud moraat, oyúon takit in manuk, oyúon in diá mokobayá, mosia nopia mita i Yesus.

MATIUS 9:26

Habar kon soaḷ inta nobaḻí tatua noiwayadon kon bayongan in ḻipú kon tua.

MARKUS 1:28

Dá habar soaḷ ki Yesus ḷagidon noiwaya kon bayongan butá in Galilea.

MARKUS 7:36

Bo ki Yesus nolarang kon i monia komintan in mongonguman kon soaḷ tatua kon i ineka. Táe námai tua in pololarang i Yesus, táe námai tua doman in poposiar magí-mako monia.

LUKAS 4:14

Onda intua ki Yesus minayádon bui in Galilea, bo Sia in umuran kon bonu in kawasa in Roho i Allah. Habar soaḷ ki Yesus noisiardon kon bayongan ḻipú tatua.

LUKAS 4:37

Dá habar soaḷ ki Yesus noibaya-bayádon mako kon bayongan ḻipú kon tua.

LUKAS 5:15

Táe habar soaḷ ki Yesus totokdon noisiar kon ḻipu-ḻipúannea, sahingga in nobayongdon intau in namangoi sin mokidongog kon onu in poguman-Nea bo mokiundam doman kon bayongan takit monia.

LUKAS 7:17

Habar tatua noibaya-bayádon mako kon bayongan ḻipú kon Yudea bo kon diugneamai.