MATIUS 9:3 - Alkitab Singog In Mongondow Masa In Tanaa

³ Nokodongogmai kon singog i Yesus natua, mototundú mita kon agama Yahudi nosingog kon bonu in gina, kai monia, “Sia in noningkuḻe kon i Allah!”

MATIUS 9:3 ပူးပေါင်းရင်းမြစ်များ

IMAMAT 24:16

bo hukumon matoi. Ki ineka in mogodi-godimai kon i Tuhan musti ara bo in batu in bayongan jamaat dapot in matoi. Hukum tatua pouma kon intau Israel ande kon intau ango-angoi inta ain nogutun notantú kon Israel.

PINOGIAPAN 15:30

Táe aka intau in Israel tobatú andeka intau ango-angoi tobatú sinumuodon nogaid kon dosa, sia ain nopoompámai kon i Tuhan. Intau tatua musti hukumon dapot in matoi,

MATIUS 26:65

Nokodongogmai kon tua, ki imang moḷoben nomerak kon ḷambungnea, bo nosingog, “Sia in noningkuḻe kon i Allah! Diá bidon paraḷu in kita motayak kon sakusi ibanea. Moiko tontaní in nokodongogdon kon tosingogon inta pinoningkuḻe-Nea kon i Allah.

MATIUS 7:29

Sin Sia in motundú takin kawasa, diá ná mototundú kon agama monia.

MARKUS 14:64

Sin dinongogdon monimu tontaní in hojatan-Nea kon i Allah. Yo onu in kaputusan monimu in tanaa?” Pinutusdon monia kon kotaḷá in ki Yesus bo patus hukumon matoi.

MARKUS 3:28

Pokotaaudon! Aka intau mogaid kon dosa bo mohojat, yo motaaupabí ampungan in sia.

MARKUS 3:29

Táe aka mohojat in sia kon Roho i Allah, yo intau tatua in diábí motaau ampungan! Sin hojatan tatua in dosabí mononoi.” (

MARKUS 7:21

Sin inta nongkon bonubí in gina, inta nomuká nongkon raian mita inta moraat in mokopopisí kon intau mogaid kon inta mokooyá ná, monakow, moḻimod,

LUKAS 5:21

Mototundú mita kon agama bo intau mita in Parisi nomangkoidon moḻibó kon bonu in gina monia, “Ki inebí intau tanaa sin mobaranibí in moningkuḻe kon i Allah? Eta ki inebí in motaau mongampung kon taḷá koḻikudbí in ki Allah tontaní?”