MATIUS 9:29 - Alkitab Singog In Mongondow Masa In Tanaa

²⁹ Bo kinadaian i Yesus in mata monia poḷat nosingog, “Popisí in moiko mopirisaya dá kobaḻídon onu inta kinoibog monimu.”

MATIUS 9:29 ပူးပေါင်းရင်းမြစ်များ

MATIUS 15:28

Bo ki Yesus in notubag takin noguman kon i-Nia, “Uḻe iná, moḷoben totok in pirisayamu! Manangka intua yo mobaḻídon kon inimu ná inta kinoibogmu!” Bo dodaipa doman in tuata nopia in ki adínea.

MATIUS 20:34

Bo noḻiaidon in gina i Yesus sin notabi, dá iyapu-Nea in mata monia. Bo kon dodaipa doman tatua bo nokoindoi bo poḷat in mosia dinumudui kon i Yesus.

MATIUS 8:13

Nopaḷut mako nosingog kon tua, ki Yesus in noguman kon porwira tatua, “Pobuidon, onu inta pinirisayamu tatua in mobaḻí bidon kon inimu.” Dá kon dodaipa doman tatua bobantungnea nopia.

MATIUS 9:22

Dodai intua ki Yesus in nobobui bo noindoi kon inia poḷat noguman, “Koroton in ginamu, adí-Ku! Sin iko in mopirisaya kon i-Nakó.” Bo kon dodaipa doman tua bobay tatua nopia.

MATIUS 9:28

Bo naonda in ki Yesus sinumuot kon baḷoi tobatú namangoi domandon kon i-Nia in intau bilog taya dua tua, dá ki Yesus noḻibó kon i nayadua, “Eta mopirisaya in moiko kon Akuoi mokopia kon i monimu?” “Mopirisaya, Amá!” tubag monia.

MARKUS 10:52

Guman i Yesus kon inia, “Bayádon, sin iko mopirisaya kon i-Nakó dá nopiadon in iko.” Bo kon dodaipa doman tatua, nokoontongdon in intau bilog tatua. Bo dinumudui in sia kon i Yesus kon binayáan.