MATIUS 9:28 - Alkitab Singog In Mongondow Masa In Tanaa

²⁸ Bo naonda in ki Yesus sinumuot kon baḷoi tobatú namangoi domandon kon i-Nia in intau bilog taya dua tua, dá ki Yesus noḻibó kon i nayadua, “Eta mopirisaya in moiko kon Akuoi mokopia kon i monimu?” “Mopirisaya, Amá!” tubag monia.

MATIUS 9:28 ပူးပေါင်းရင်းမြစ်များ

DATU MITA IMITÁNEA 17:16

Bo ná inta pinoguman i Tuhan pinongin i Elia, palo tatua in umuranbí oyúon in topong kon bonunea, bo botoḷ in umuran doman oyúon in ḷana.

MATIUS 13:1

Kon singgai tua ki Yesus iḷumuai nongkon baḷoi tatua bo minayá iḻimitú kon bingkí in danow.

MATIUS 13:36

Bo ki Yesus nonaḷámaidon kon intau mobayong tatua, bo nobui. Murí-Nea mita in namangoi bo noguman kon i-Nia nanaa: “Insilangaidon kon inami in mangaḻe in poumpamaan padang kon yua-yuak in gandum.”

MATIUS 13:58

Bo popisí in diá in pirisaya monia, dá diá nobayong in soaḷ inta mokoherang in pinomia-Nea kon tua.

MATIUS 8:14

Nodapotmai kon baḷoi i Petrus, inontong i Yesus in ki guyá i Petrus noitosiug mako sin pinonikan patú.

MATIUS 8:2

Kon sigad monia oyúon doman tobatú intau inta pinanyaki kuḻit inta mokorongó. Sia in namangoi bo sinumungkud poḷat nosumba kon i Yesus, takin noguman, “Tuang, aka ki Tuang moibog mongundam, yo mopiabí in akuoi.”

MATIUS 9:22

Dodai intua ki Yesus in nobobui bo noindoi kon inia poḷat noguman, “Koroton in ginamu, adí-Ku! Sin iko in mopirisaya kon i-Nakó.” Bo kon dodaipa doman tua bobay tatua nopia.

MATIUS 9:27

Naonda in ki Yesus nongingguput kon bobayáan-Nea, intau bilog doyowa dumuduianmai kon i-Nia bo sindaḷan momaḷú kai monia, “Adí i Daud, kotabipa in kami naa!”

MATIUS 9:29

Bo kinadaian i Yesus in mata monia poḷat nosingog, “Popisí in moiko mopirisaya dá kobaḻídon onu inta kinoibog monimu.”

YOHANES 11:26

Bo intau nobiag inta mopirisaya kon i-Nakó in mobiagbí mononoi. Mopirisaya degá in iko kon singog-Ku tatua?”

YOHANES 11:40

Dá ki Yesus in noguman kon i Marta, “Degá kinoḻionganmudon inta pinoguman-Ku kon inimu; Kon aka iko mopirisaya, yo iko in mokoontongbí kon kawasa i Allah inta totuu moḷoben!”

OUMAN IN RASUL MITA 14:9

Intau tatua in ḻimitú mako kon tua mongindongogmai kon i Paulus mosingog. Bo inontong i Paulus kon mopirisaya in intau tatua, dá tuamai mopiapabí. Dá ki Paulus inimindoi kon inia,