MATIUS 9:27 - Alkitab Singog In Mongondow Masa In Tanaa

²⁷ Naonda in ki Yesus nongingguput kon bobayáan-Nea, intau bilog doyowa dumuduianmai kon i-Nia bo sindaḷan momaḷú kai monia, “Adí i Daud, kotabipa in kami naa!”

MATIUS 9:27 ပူးပေါင်းရင်းမြစ်များ

MATIUS 1:1

Nanaa in asaḷ-usuḷ i Yesus Kristus, buí i Daud inta buí i Abraham.

MATIUS 11:5

Moiko ain nokoontong: intau bilog mokoindoi, intau ḻempeng mokobayá, intau pinanyaki kuḻit inta mokorongó nopia, intau bongoḷ mokodongog, intau minatoi in nobangon bo Habar Mopia pinoyaput kon intau mita bogá.

MATIUS 15:22

Kon tua noiangoi in tobatú bobay intau in Kanaan inta nongkon ḻipú kon tua, bo nomaḷú, “Kotabipa in akuoi naa Tuhan Adí i Daud! Sin ki adíku bobay kinotoḷangan in dimukud moraat. Bo moyoyiga totok in sia.”

MATIUS 17:15

“Tuhan, kotabipa kaasí in ki adíku, sin sia in notakit, takit in manuk, bo totok in moyoyiga. Sia saḷaḷu moitubá bo tantú doman moḷabú kon tubig.

MATIUS 20:29

Bo naonda in ki Yesus bo murí-Nea mita iḷumuai nongkon Yerikho, nobarong intau in dinumudui kon i-Nia.

MATIUS 21:15

Táe naonda imang mita itoi bo mototundú mita kon agama nokoontong kon soaḷ mita mokoherang inta inaidan i Yesus tatua bo mokodongog kon mongoadí mita nomaḷú kon bonu in Baḷoi Tuhan, “Saḷamat kon i Adí i Daud!” Dá mosakí totok in gina monia.

MATIUS 21:9

Bo intau moantó inta minaya-mayá kon muna-Neamai bo inta dumuduianmai kon tumi-Nea sindaḷan nomaḷú, “Saḷamat kon i Adí i Daud! Binarakatandon in Sia inta namangoi kon bonu in tangoi Tuhan! Dayowdon in ki Allah Inta Totok Moḷantud!”

MATIUS 9:28

Bo naonda in ki Yesus sinumuot kon baḷoi tobatú namangoi domandon kon i-Nia in intau bilog taya dua tua, dá ki Yesus noḻibó kon i nayadua, “Eta mopirisaya in moiko kon Akuoi mokopia kon i monimu?” “Mopirisaya, Amá!” tubag monia.

MARKUS 11:10

Mobiagdon in pomarentaan-Nea kon singgai moiduduimai – pinomarentaan i Daud mogoguyang naton! Dinayo-dayowdon in ki Allah Inta Totok moḷantud!”

MARKUS 9:22

“Mokakitdon in dimukud moraat tatua moḷongasi moḻimod kon inia takin pogonagnea kon tuḷu ande kon bonu in tubig. Aka ki Pak Guru mokotuḷungbí dá kotabipa in kami bo tuḷungaipa!”

LUKAS 17:13

bo nomaḷú nanaa, “Yesus! Tuang! Kotabipa in kami naa!”

LUKAS 20:41

Bo ki Yesus in noḻibó kon i monia, “Naonda sin intau in mogumanbí kon Datu Mopoposaḷamat tatua in buíbí i Daud?

LUKAS 7:21

Kon wakutu intua ki Yesus nongundam kon noyagi-yagimai in takit bo roriga kon moantó intau bo noguntun doman kon dimukud mita moraat, bo nongundam kon intau mita bilog sahingga in mosia nokoontongdon.

YOHANES 7:42

Kon Buk Motusi ain pinais, kon Datu Mopoposaḷamat in nongkon buíbí i Daud, bo mamangoibí nongkon ḻipu in Betlehem, ḻipu inta pinogutunan i Daud koḻipod.”

SURAT I PAULUS KON JAMAAT RUM 1:3

Habar Mopia tatua in soaḷbí ki Adí i Allah, inta ki Tuhan naton, ki Yesus Kristus. Inta aka podudui in awak ilo-ilow naa, yo Sia tua in buíbí i Daud.

SURAT I PAULUS KON JAMAAT RUM 9:5

Mosia in buíbí doman in mogoguyang naton. Awak i Kristus naa in nongkon bangusabí monia tua. Táe Siabí in moḷantu-ḷantud nongkon bayongan in yagi-yagi. Dinayo-dayowdon in ki Allah modapot in kopaḷutannea! Amin.