MATIUS 9:25 - Alkitab Singog In Mongondow Masa In Tanaa

²⁵ Naonda intau mita tatua pinoḷuai-Nea komintan, ki Yesus sinumuot bo nokadai kon ḻima in adí tatua, bo adí tatua in nobangondon.

MATIUS 9:25 ပူးပေါင်းရင်းမြစ်များ

MARKUS 1:31

Dá ki Yesus minayá dinimiug kon i guyá i Simon poḷat nokadai kon ḻimanea sinbá mobangon. Kon dodaipa doman tua bo nopia in patúnea, bo baḷúdon in bobay tatua bo nogoḷud kon kaanon kon imonia.

MARKUS 5:41

Kinadaian i Yesus ḻima in adí tatua poḷat noguman kon adí tatua, “Talita kum,” mangaḻenea, “Adí bobay, poguman-Ku kon inimu: pobangondon!”

MARKUS 8:23

Kinadaian i Yesus intau bilog tatua bo kinapit-Nea minayá kon ḷuai in kotá. Onda intua dinuyáan i Yesus mata intau bilog tatua, bo kinadaian-Nea doman kon mata poḷat noḻibó, “Oyúondon degá in ontongonmu in tanaa mako?”

MARKUS 9:27

Táe kinadaian i Yesus in ḻimanea bo sinuḷungan binangon. Dá nobangondon adí tatua.

LUKAS 8:54

Dá kinadaian i Yesus in ḻima in adí tatua bo noguman, “Pobangondon, Uḻe!”