MATIUS 9:23 - Alkitab Singog In Mongondow Masa In Tanaa

²³ Naonda in ki Yesus noiyaput kon baḷoi in itoi in baḷoi pososambayangan tatua bo nokoontong kon intau mita inta nogirup kon bansí bo intau mobarong inta motombá mako,

MATIUS 9:23 ပူးပေါင်းရင်းမြစ်များ

TAWARIKH 2 35:25

Ki Nabi Yeremia in nomia kon dondong amui tobatú kon i Datu Yosia. Nodapot in tanaa dondong tatua in pinaké kon Israel in intau mita mododondong, pinomayá ḷoḷaki andeka bobay, kon pinonogumatoian kon i Yosia. Dondong tatua in pinotuotdon kon bonu in pinosipunan kon dondong mita in amui.

YEREMIA 16:6

Intau nooyúon bo nobogá kon butá tanaa in matoi bo diábí in moḷobong kon i monia. Diábí tobatúmai in intau in rumoriga andeka mokiḷogat in uḷunea saḷaku tomponuot nonogumatoi kon i monia.

YEHEZKIEL 24:17

Dika modapot in ina-inakmu in kodongogan. Dikabí mayá takin diá mogikoḷubung, andeka diá mogi aip in sioḷ, saḷaku intau inta nonogumatoi. Dika doman oḻingoian in pogotmu, bo dika mokaan kon kaanon in mobobaḷu.”

MATIUS 11:17

‘Podondongan nami in moiko in dondong mokopia kon gina, táe doíbí in moiko motayok, podondongan nami in dondong mokopongoibu, táe doíbí in moiko mongombaḷ.’

LUKAS 7:32

Mosia tua in naonda bo mongoadí mita inta iḻimitú kon pasar bo mosipomaḷúan nanaa, ‘Ain pinogirupan nami kon bansí in moiko, táe moiko doíbi motayok! Pinodondongan nami in dondong inta mokopongoibu, táe moiko doíbí doman mongombaḷ!’

OUMAN IN RASUL MITA 20:10

Dá noponag in ki Paulus. Kouḻi-uḻidpa in tayowmobiag tatua bo inumumpag poḷat ginakapannea bo noguman kon intau mita kon tua, “Dika moḻia-ḻiaw in gina, sin nobiagpabí in sia naa!”

OUMAN IN RASUL MITA 9:39

Ki Petrus in baḷú nonoinut bo minayá noyotakin monia. Naonda in noiyaputmai kon tua, dinia monia in sia noponik kon gopot inta pinogukatan kon mayat i Dorkas. Bayongan in intau inta dongkadon boba-bobay komintan namangoi sinimindog kon diug i Petrus poḷat nongombaḷ bo mopoontong doman in ḷambung inta inaidan mita i Dorkas wakutu in nobiagpa.

WAHYU 18:22

Singog in kecapi inta kinuti in intau mita inta motaau mokuti bo dondong mita in intau inta modondong, bo singog in bansí bo singog in torompet, diá bidon kodongogan bui kon bonu in kotámu! Bo ahli mita mogogaid in diá bidon kodungkuḷan kon tua, sedang singog in giḻingan batu bo diá bidon in kodongogan kon tua.