MATIUS 9:22 - Alkitab Singog In Mongondow Masa In Tanaa

²² Dodai intua ki Yesus in nobobui bo noindoi kon inia poḷat noguman, “Koroton in ginamu, adí-Ku! Sin iko in mopirisaya kon i-Nakó.” Bo kon dodaipa doman tua bobay tatua nopia.

MATIUS 9:22 ပူးပေါင်းရင်းမြစ်များ

MATIUS 15:28

Bo ki Yesus in notubag takin noguman kon i-Nia, “Uḻe iná, moḷoben totok in pirisayamu! Manangka intua yo mobaḻídon kon inimu ná inta kinoibogmu!” Bo dodaipa doman in tuata nopia in ki adínea.

MATIUS 17:18

Bo ki Yesus in noguman kon dimukud moraat inta sinumoḷang kon adí tatua, ‘Ḷuai!’ Bo dimukud moraat tatua in iḷumuai, dá dodaipa doman tatua adí tatua in nopia.

MATIUS 8:13

Nopaḷut mako nosingog kon tua, ki Yesus in noguman kon porwira tatua, “Pobuidon, onu inta pinirisayamu tatua in mobaḻí bidon kon inimu.” Dá kon dodaipa doman tatua bobantungnea nopia.

MATIUS 9:2

Bo intau nodia mangoi kon i-Nia in intau tobatú inta ḻempeng bo noitosiug mako kon tosiugannea. Naonda inontong i Yesus in pirisaya monia, Sia in noguman kon intau inta diá mokobayá tatua, “Popirisayadon, adí-Ku! Taḷámu aindon inampungan.”

MATIUS 9:29

Bo kinadaian i Yesus in mata monia poḷat nosingog, “Popisí in moiko mopirisaya dá kobaḻídon onu inta kinoibog monimu.”

MARKUS 10:52

Guman i Yesus kon inia, “Bayádon, sin iko mopirisaya kon i-Nakó dá nopiadon in iko.” Bo kon dodaipa doman tatua, nokoontongdon in intau bilog tatua. Bo dinumudui in sia kon i Yesus kon binayáan.

MARKUS 5:34

Dá ki Yesus in noguman kon bobay tatua, “Adí-Ku, popisí in iko bo mopirisaya kon i-Nakó dá nopia in iko! Bayádon takin saḷamat, iko in totu-totuudon nopia!”

LUKAS 17:19

Bo ki Yesus in bui noguman kon intau tatua, “Pobuatdon bo bayádon. Iko in nopirisaya kon i-Nakó dá nopia.”

LUKAS 18:42

Dá ki Yesus in noguman, “Aka natua, yo indoidon! Popisí in mopirisaya in iko kon i-Nakó, dá mopia in iko.”

LUKAS 7:50

Ki Yesus in bui noguman kon bobay tatua, nanaa, “Pirisayamu ain nokosaḷamat kon inimu. Bayádon iko takin saḷamat!”

LUKAS 8:48

Ki Yesus in noguman kon bobay tatua, “Adí-Ku, pirisayamu ain nokosaḷamat kon inimu. Bayádon takin saḷamat.”

YOHANES 4:53

Bo kinotoropandon in pogawai in komaḻig tatua kon jam natuata in ki Yesus in noguman kon inia: “Nopia bidon in ki adímu.” Dá sia takin tombonu in baḷoinea komintandon nopirisaya kon i Yesus.

OUMAN IN RASUL MITA 14:9

Intau tatua in ḻimitú mako kon tua mongindongogmai kon i Paulus mosingog. Bo inontong i Paulus kon mopirisaya in intau tatua, dá tuamai mopiapabí. Dá ki Paulus inimindoi kon inia,

OUMAN IN RASUL MITA 16:18

Tongonumai degá nosinggai in bobay tatua umuran momaḷú natua. Diádon nokotahang in ki Paulus in mokidongogmai kon pomaḷúannea natua dá binobuinea bo poḷat noguman kon dimukud tatua, “Podoyon kon tangoi Yesus Kristus akuoi in moguman kon inimu ḷuaidon nongkon bobay tanion!” Dá kon dodaipa doman in tatua iḷumuai in dimukud moraat tatua nongkon bobay tatua.

IBRANI 4:2

Sin habar tatua in pinotaaudon doman kon i naton notongkai ná kon i monia. Táe habar tatua diá in baragunanea kon i monia, sin wakutu in dinongog monia diá pinirisaya monia intua.