MATIUS 9:20 - Alkitab Singog In Mongondow Masa In Tanaa

^20-21 Kon dodai intua oyúon doman tobatú bobay inta aindon mopuḷú bodoyowá notaong koonggotnea notakit toḷoganmai in dugú, sia moḷongasi totok dimiug kon i Yesus nongkon tumi sin mokadai kon ubung in jubah-Nea. Sin nanaa in kon raiannea: “Umpakabí tongá koḻiaianku in jubah-Nea, yo mopiabí in akuoi.” Bo iḻiainea in popod in jubah i Yesus.

MATIUS 9:20 ပူးပေါင်းရင်းမြစ်များ

MATIUS 14:36

Mosia nopoigum sinbá ogoi-Nea in mosia moḻiai kon ubung in jubah-Nea. Komintan intau inta noroḻiai kon i-Nia, nongopia.

MATIUS 23:5

Onu inta inaidan monia in tangábí popoontong kon intau. Mosia in momaké in tali moḷoben inta pakéonmai mosambayang bo inta rumbainea mongoḷanggó mita!

MATIUS 9:19

Ki Yesus in sinimindog bo takin murí-Nea mita minayá noyotakin in intau tatua.

MARKUS 6:56

Kon ondakabí in bayáan i Yesus, kon ḻipú, kon kotá ande kon desa, intau mita in umuranbí doman mopodondon mangoi in intau mita mongotakit. Intau mita motakit tatua uḻidon monia kon tampat moḷuas. Bo totok in poigumon monia kompé intau mita motakit tatua ogoi moḻiai kon jubah i Yesus, umpakabí tongá ubungnea. Komintan intau inta noḻiai nongopia.

MARKUS 8:22

Mosia noiyaputdon kon Betsaida. Kon tua oyúon in intau tobatú nodia mangoi kon intau tobatú bilog kon i Yesus. Sia nopoigum kon i Yesus sinbá yapuon-Nea in intau bilog tatua bá mopia.

OUMAN IN RASUL MITA 19:12

Aka lenso andeka baan inta nokoimontandon pinaké i Paulus bo diaan kon intau mita notakit, yo mopiabí mita in takit monia bo dimukud mita moraat in ḷumuaibí doman mita nongkon i monia.

OUMAN IN RASUL MITA 5:15

Intau mita kon tua in umuran mopoḷuai in intau mita inta mongotakit bo pobayá in doḷaag popouḻid kon tosiugan andeka boḷad, sinbá mosia diá bo diá kotugatan in oḻinow i Petrus aka ki Petrus moitaḻib.

ULANGAN 22:12

Pomiaaidon kon ḷambe-ḷambénea kon ubung in pakeangmu.”