MATIUS 9:18 - Alkitab Singog In Mongondow Masa In Tanaa

¹⁸ Koyogotpa in ki Yesus nongonguman natua kon i monia, namangoidon in tobatú itoi in baḷoi pososambayangan, bo nosumba kon i-Nia poḷat noguman, “Ki adíku bobay bagupa minatoi, táe akuoi mopoigum kon i Guru mamangoi bo mokadai kon inia, dá mobiagbí bui in sia.”

MATIUS 9:18 ပူးပေါင်းရင်းမြစ်များ

DATU MITA 2 5:11

Nokodongogmai kon tua, sinumorú in ki Naaman bo noguman, “Kon inakó kamai dá siabí tontaní in ḷumuai bo mokipodungkuḷ kon inakó, bo mosambayang kon i Tuhan, Allahnea, bo moyapu kon awakku inta kinotugatan in takit tatua bo mopiadon in akuoi.

MATIUS 14:33

Intau mita inta kon bonu in uangga nosumba kon i-Nia. Kai monia, “Totu-totuu kon Iko naa in ki Adíbí i Allah.”

MATIUS 15:25

Bobay tatua in dinimiug bo nosumba kon i-Nia bo noguman bui, “Tuhan tuḷungaipa in akuoi.”

MATIUS 17:14

Naonda in ki Yesus bo murí-Nea mita minayádon bui kon intau nobarong tatua, namangoidon in tobatú intau nokipodungkuḷ kon i Yesus bo nosumba poḷat noguman,

MATIUS 20:20

Bo ki iná in adí mita i Zebedeus takin ki adínea mita tua namangoi kon i Yesus, bo sinumungkud kon tayowon-Nea sin oyúon poigumon monia kon i-Nia.

MATIUS 28:17

Naonda in inontong monia, sinumba monia in Sia, táe oyúon in topiḻik diá mopirisaya.

MATIUS 8:2

Kon sigad monia oyúon doman tobatú intau inta pinanyaki kuḻit inta mokorongó. Sia in namangoi bo sinumungkud poḷat nosumba kon i Yesus, takin noguman, “Tuang, aka ki Tuang moibog mongundam, yo mopiabí in akuoi.”

MATIUS 8:25

Bo namangoidon in murí-Nea mita noguḷung kon i-Nia, kai monia, “Tuhan Tuḷungaipa! Sin mobodito in kita.”

MATIUS 9:17

Ná doman tua, anggur inta nobagupa in diábí motaau bonuon kon botutunea inta ain nokoyongan. Sin aka bonuon yo botutu tatua in mobokatdon bo anggur tatua in moibutak doman, bo botutu tatua in mogoguyaatdon totok. Tuamai anggur inta mobagu in bonuonbí kon tampatnea inta nobagu doman, sinbá tumpaḷa diá mogoguyaat.”

MATIUS 9:19

Ki Yesus in sinimindog bo takin murí-Nea mita minayá noyotakin in intau tatua.

MATIUS 9:24

Sia noguman kon i monia, “Bayádon, sin adí tanaa in diábí minatoi, tongábí nosiug in sia.” Táe kinosingan monia in ki Yesus.

LUKAS 13:14

Táe itoi in baḷoi pososambayangan kon tua sinumorú totok in nokoontong kon i Yesus nongundam kon singgai in Sabat. Itoi in baḷoi pososambayangan tatua in noguman kon intau moantó kon tua, “Onom nosinggai in motaau pogaidan monimu, manangka intua angoidon kon singgai mita tatua bo mokiundam, dikabí in kon singgai in Sabat!”

LUKAS 18:18

Oyúon tobatú itoi intau Yahudi in noḻibó kon i Yesus, “Pak Guru, Inta mopia totok, onu in musti aidanku sinbá mokouḻí in akuoi kon kobiagan mononoi?”

LUKAS 7:2

Kon tua oyúon in tobatú porwira in Rum inta kobobantung. Bobantungnea tatua, totok in kinotabinea táe dodai intua notakit moyoyiga dongkadon oḷaton.

YOHANES 11:25

Ki Yesus in noguman bui kon i Marta, “Akuoibí inta mobogoi in kobiagan bo inta momiag kon intau minatoi. Intau inta mopirisaya kon i-Nakó in mobiagbí, umpakabí in sia minatoidon.

YOHANES 11:32

Wakutu in ki Maria noidapotdon kon i Yesus bo nokoontongdon kon i-Nia, sinumungkud in Sia kon tayowon-Nea bo noguman, “Tuhan, aka kuma dodai intua ki Tuhan kon naa, yo diábí minatoi in ki utatku.”

OUMAN IN RASUL MITA 13:15

Naonda in nopaḷutdon binaca in Hukum i Musa bo Buk in Nabi mita, itoi mita in baḷoi pososambayangan tatua nopotabá in intau minayá noḻibó kon i Paulus bo kon yobayatnea mita. Nanaa in ḷoḻibó monia tua, “Utat mita, aka oyúonbí in koyow inta mokorigon kon pirisaya bo mokohibur kon bayongan umat i Allah tanaa mita, yo pogumandon.”

OUMAN IN RASUL MITA 28:8

Wakutu intua ki amá i Publius notakit pinonikan in patú bo momorubut. Dá ki Paulus sinumuot bo noindoi poḷat nosambayang bodongka nomarakat kon i amá i Publius bo kon dodaipa doman tua nopia in sia.