MATIUS 9:17 - Alkitab Singog In Mongondow Masa In Tanaa

¹⁷ Ná doman tua, anggur inta nobagupa in diábí motaau bonuon kon botutunea inta ain nokoyongan. Sin aka bonuon yo botutu tatua in mobokatdon bo anggur tatua in moibutak doman, bo botutu tatua in mogoguyaatdon totok. Tuamai anggur inta mobagu in bonuonbí kon tampatnea inta nobagu doman, sinbá tumpaḷa diá mogoguyaat.”

MATIUS 9:17 ပူးပေါင်းရင်းမြစ်များ

AYUB 32:19

Aka akuoi tongá kibio-biómai, yo mopopar in akuoi, naonda bo botutu inta nopuḻing in anggur nobagu.

MAZMUR 119:83

Kuḻitku in noḷubakdon naonda bo botutu in anggur inta ain nokoyongan, táe atorang-Mu in diábí koḻionganku.

MATIUS 9:16

Diábí in tobatúmai in intau inta momerak kon ḷambung nobagu sin poduḷampong kon ḷambung inta ain nokoyongan. Sin aka berakonneadon in ḷambung nobagu, yo ḷambung nobagu tatua in mogoguyaat domandon.

MATIUS 9:18

Koyogotpa in ki Yesus nongonguman natua kon i monia, namangoidon in tobatú itoi in baḷoi pososambayangan, bo nosumba kon i-Nia poḷat noguman, “Ki adíku bobay bagupa minatoi, táe akuoi mopoigum kon i Guru mamangoi bo mokadai kon inia, dá mobiagbí bui in sia.”

MARKUS 2:22

Ná doman tua, diábí in intau mogaḻin kon anggur kon bonu in botutu kuḻit inta nokoyongandon. Sin anggur nobagu tatua i mokopopisíbí kon koberakan in botutu tatua, dá tumpaḷadon mogoguyaat in botutu bo anggur. Tuamai in anggur nobagu musti bonuon doman kon botutu nobagu!”

LUKAS 5:37

Ná doman tua, diábí in intau mogaḻin kon anggur nobagu kon bonu in botutu kuḻit inta nokoyongandon, sin aka natua yo anggur nobagu tatua in mokopopisíbí kon kobotakan in botutu koyongan tatua, dá anggurnea in moibutak bo botutu in mogoguyaat.

LUKAS 5:38

Aka anggur nobagu yo bonuonbí kon botutu inta mobagu doman.

YOSUA 9:4

Bo mosia in noyopakatdon kon monguboḷ kon i Yosua takin aid mopobaba kon keledai monia in: karong mita inta ain nokoyongan, bo botutu mita in anggur inta nongokesekdon inta pinomia nongkon kuḻit. Bo inta mobaḻí tongkaaḷ monia, mosia in nosadiadon kon roti inta ain noingkag bo inuḷampungdon.