MATIUS 9:16 - Alkitab Singog In Mongondow Masa In Tanaa

¹⁶ Diábí in tobatúmai in intau inta momerak kon ḷambung nobagu sin poduḷampong kon ḷambung inta ain nokoyongan. Sin aka berakonneadon in ḷambung nobagu, yo ḷambung nobagu tatua in mogoguyaat domandon.

MATIUS 9:16 ပူးပေါင်းရင်းမြစ်များ

KINOBAḺIAN 33:14

Unadon, akuoi in mayá doman dumuduianmai umpaka ḷumaḷoyanmai podudui in ḷampang in bobiagon mita tanaa, bo podudui doman in ḷampang i adíku mita modapot in akuoi moyaput kon i tuangku kon Edom.”

MAZMUR 125:3

Intau moraat in diábí umuran mongawasa kon butá budel in intau mojujur, sinbá intau mopia diá moidudui mogaid kon inta moraat.

YESAYA 40:11

Naonda bo gombala Sia in noḷukad kon paanan-Nea; Sia tontaní in mosipun kon i monia. Ki adí mita in domba koyotan-Nea, takin moḷukó in tosingogon Sia in modia kon i indenea mita.

MATIUS 9:15

Ki Yesus noḻibó bui kon i monia, “Motaau degá aka nonikaan ḷoḷaki koyotaki-takinpa monia bo yobayatnea mita morobonoḷdon in dodob? Tantú diábí! Oyúonbí in wakutunea nonikaan tatua gamáan nongkon sigad monia. Bain kon wakutu intuata bo mopuasa in mosia.

MATIUS 9:17

Ná doman tua, anggur inta nobagupa in diábí motaau bonuon kon botutunea inta ain nokoyongan. Sin aka bonuon yo botutu tatua in mobokatdon bo anggur tatua in moibutak doman, bo botutu tatua in mogoguyaatdon totok. Tuamai anggur inta mobagu in bonuonbí kon tampatnea inta nobagu doman, sinbá tumpaḷa diá mogoguyaat.”

MARKUS 2:21

Diábí intau in mopoduḷampong in didit mobagu kon ḷambung inta nokoyongandon. Sin didit nobagu inta pinoduḷampong tatua in mobadang bo momerak kon ḷambung koyongan tatua, dá modugangdon moḷoben berak in ḷambung tatua.

LUKAS 5:36

Nopaḷut mako kon tua, ki Yesus in nongonguman kon poumpamaan tanaa kon i monia, “Diábí in intau inta moduḷampong kon ḷambung nokoyongan takin didit inta berakon nongkon ḷambung mobagu. Sin tantú ḷambung mobagu tatua in moberakbí domandon. Bo didit in ḷambung nobagu tatua in diá bidon moyokaan in ḷambung inta nokoyongandon.

YOHANES 16:12

Mobayongpabí in musti poguman-Ku kon i monimu, táe tanaa mako in diápa mokosanggup in moiko in motarima kon tua mita.

KORINTUS 1 13:13

Dá toḷu tanaa in musti tantú aidan monimu: mopirisaya, umuran moharap bo tantú mositabian. Bo nongkon toḷu nopasaḷ tanaa totabianbí kon tumpaḷa intau in totok moponting.

KORINTUS 2 9:12

Sin oaid mopia inta inaidan monimu naa in deemanbí tongá modugang kon onda inta nogaatpa kon umat mita i Allah, táe nobaḻíbí doman dodoyonan nodapot in nobayong intau mopoyaput in sukur kon i Allah.