MATIUS 9:15 - Alkitab Singog In Mongondow Masa In Tanaa

¹⁵ Ki Yesus noḻibó bui kon i monia, “Motaau degá aka nonikaan ḷoḷaki koyotaki-takinpa monia bo yobayatnea mita morobonoḷdon in dodob? Tantú diábí! Oyúonbí in wakutunea nonikaan tatua gamáan nongkon sigad monia. Bain kon wakutu intuata bo mopuasa in mosia.

MATIUS 9:15 ပူးပေါင်းရင်းမြစ်များ

YESAYA 22:12

Kon tungkuḷ intua ki Tuhan Inta Totok in moḷantud bo Inta Totok in mokawasa nopotabá kon i monimu nongombaḷ bo nogamui, nongarug kon buok bo nogibintoḷ.

MATIUS 9:14

Onda intua namangoidon murí mita i Yohanes kon i Yesus bo noḻibó, “Nongonu sin kami bo intau mita in Parisi in mopuasabí, táe murí-Mu mita in diábí?”

MATIUS 9:16

Diábí in tobatúmai in intau inta momerak kon ḷambung nobagu sin poduḷampong kon ḷambung inta ain nokoyongan. Sin aka berakonneadon in ḷambung nobagu, yo ḷambung nobagu tatua in mogoguyaat domandon.

MARKUS 2:19

Ki Yesus in notubag, “Kon rame ponikaan, yobayat mita in intau inta nonika in diábí motaau in mopuasa kon wakutu in mosia koyota-yotakinpa in intau inta nonika tua, tantú mongaanbí moyotakin in mosia.

MARKUS 2:20

Tongá oyúonbí in wakutunea nonikaan ḷoḷaki tatua gamáan nongkon imonia, bo bain tuata mosia in mopuasa.

LUKAS 17:22

Ki Yesus in noguman kon murí-Nea mita nanaa, “Moiangoibí in wakutunea, moiko in moibog moindoi kon tobatú singgai nongkon singgai mita i Adí Intau tatua, táe moiko in diábí mokoontong.

LUKAS 5:34

Tubag i Yesus kon i monia, “Degá mokobaḻí in moiko moguman kon undangan mita kon mopuasa kon wakutu in rame pinonikaan. Wakutu in nonikaan ḷoḷaki koyota-yotakinpa monia? Tantú diábí kobaḻí!

LUKAS 5:35

Tongá oyúonbí in wakutunea kon nonikaan ḷoḷaki tatua gamáan nongkon i monia. Bambí kon dodai in tuata bo mopuasa in mosia.”

YOHANES 16:6

Nodapotbí in tanaa moajarbí in gina monimu sin pinotaau-Kudon intua kon inimu.

YOHANES 3:29

Nonikaan bobay tatua in kapunyaanbí in nonikaan ḷoḷaki. Yobayat in nonikaan ḷoḷaki tatua tongábí simindog moyotakinnea bo mokidongog, bo mopia in ginanea aka mokodongog kon singog in nonikaan ḷoḷaki. Natuabí doman in akuoi. Mopiadon totok in ginaku in tanaa.

OUMAN IN RASUL MITA 14:23

Pomuḷoi in jamaat pinomiḻíandon i Paulus bo i Barnabas kon intau mita inta baḻíon itoi in jamaat tatua. Sinambayangan monia poḷat pinopuasaan bo pinosarakan monia kon i Tuhan inta pinirisaya monia tua.

KORINTUS 1 7:5

Doyowa motonibuḷoi in diábí motaau in mosiyayúan. Motaaubí asaḷbo muna moyosingog bo diá motaau moonggot. Aka natua yo doyowa motonibuḷoi in tumpaḷa motaau mosisambayangan. Tongá naonda intua moiko in mustibí bui motobatú saḷaku doyowa motonibuḷoi. Sin aka diá natua yo koonggotannea kogonúanbí in roho inta diá mopia, sin diá mokotahang kon ibog in awak.

KORINTUS 2 11:27

Rumopot totok in akuoi in mogaid, dá mokakit in diádon mokoposiug, diádon mokopongaan, diádon mokoponginum, bo mokakit domandon in monahang tonow sin diádon koḷambu-ḷambung pakéon bo diá domandon in baḷoi pogutunan.

WAHYU 19:9

Bo malaekat tatua in noguman kon inakó, “Paisdon in naa: ‘Mosanangdon totok in intau inta inoiní mamangoi in rame ponikaan i Adí in domba tatua.’ ” Malaekat tatua in noguman doman bui kon inakó, “Habar tanaa in totu-totuubí nongkon i Allah.”

WAHYU 21:2

Dá akuoi in nokoontong kon kotá motusi tatua, tuata in Yerusalem inta mobagu, noponag nongkon soroga i Allah. Kotá tatua in pinosadia naonda bo nonikaan bobay inta pinakeangan sin mokipodungkuḷdon kon nonikaan ḷoḷaki.