MATIUS 8:6 - Alkitab Singog In Mongondow Masa In Tanaa

⁶ “Tuang, bobantungku noitosiug mako kon baḷoi sin notakit diá mokobayá. Bo sia in moyoyigadon totok.”

MATIUS 8:6 ပူးပေါင်းရင်းမြစ်များ

MATIUS 4:24

Onu in inaidan i Yesus tua noisiardon kon bayongan ḻipú kon Siria, dá diniadon monia pinobayá kon i-Nia in bayongan intau inta nongotakit noonggotdon. Noyagi-yagimai in takit, oyúon in kinotoḷangan in dimukud moraat, oyúon takit in manuk, oyúon in diá mokobayá, mosia nopia mita i Yesus.

MATIUS 8:7

Dá ki Yesus noguman kon inia, “Bain angoion-Ku undaman in sia.”

MATIUS 9:2

Bo intau nodia mangoi kon i-Nia in intau tobatú inta ḻempeng bo noitosiug mako kon tosiugannea. Naonda inontong i Yesus in pirisaya monia, Sia in noguman kon intau inta diá mokobayá tatua, “Popirisayadon, adí-Ku! Taḷámu aindon inampungan.”

OUMAN IN RASUL MITA 10:7

Naonda in minayádon malaekat inta noguman kon i Kornelius tua, ki Kornelius in nogoiní kon bobantungnea doyowa bo tontara tobatú inta totok in motoindudui.

OUMAN IN RASUL MITA 8:7

Sin inontongdon monia tontaní in dimukud mita moraat iḷumuai nongkon intau inta sinoḷangannea tatua takin kumarak. Ná doman tua, nobayong doman totok in intau inta ḻempeng bo intau mita pelong in nopia.

OUMAN IN RASUL MITA 9:33

Kon tua in sia noyodungkuḷ i Eneas, intau inta ain waḷu notaong noitosiug mako sin diádon mokobayá.

KOLOSE 3:11

Sahingga in diádon yoposi in intau Yahudi bo deeman Yahudi, intau sinunat bo inta diá sinunat. Bo diá domandon yoposi in intau mokokiangoi bo intau moromú, intau inta nobaḻí ata bo intau inta deeman ata, sin ki Kristus tua in Tuhanbí in bayongan yagi-yagi, bo Sia ain notobatú intua komintan!

KOLOSE 4:1

Utat mita inta nobaḻí tuang! Kopiabí in mopoaid kon i atamu mita, dikabí tombogaan. Pokotoropdon, oyúonbí in Tuangmu kon soroga.

PILEMON 1:16

Bo tanaa, sia in deeman bidon tongá tobatú ata kon i utat; táe noiḻiu bidon kon tua. Sia in tumpaḷa bidon intau in Keresten inta kotabi naton. Sia in baragunadon kon i naton apalagi kon inimu! Tantú sia in baraguna bidon totok kon inimu, pinomayá saḷaku ata ande saḷaku utat kon bonu in tabi i Tuhan!