MATIUS 8:4 - Alkitab Singog In Mongondow Masa In Tanaa

⁴ Bo ki Yesus in noguman kon inia, “Toropdon in singog-Ku naa! Donaai oumanon kon i inekabí in onu inta nobaḻí tanaa. Táe bayádon bo pokiindoi kon imang, bo pobogoidon iko in sosumba ná inta pinarenta i Musa, mobaḻí bukti kon i monia kon nopia in iko!”

MATIUS 8:4 ပူးပေါင်းရင်းမြစ်များ

YESAYA 42:21

Ki Tuhan in moibog moposaḷamat; Ibogon-Nea hukum-Nea in horomaton bo untuon.

IMAMAT 13:49

bo batangan in pinonopadan tatua mopoḷuno-ḷunow ande mosimpu-simpuya, dá ponopadan tatua in panyaki torupa inta dumodakit bo musti poontong kon i imang.

MATIUS 10:18

Moiko in diaan kon tayow in pongawasa mita bo datu mita popisí moiko in dumodudui-Ku. Bo tuata in kasampatanmu mobogoi in kosakusian soaḷ Akuoi kon i monia bo kon intau mita inta diá nonotaau kon i Allah.

MATIUS 16:20

Bo ki Yesus nongampag kon murí-Nea mita sinbá mosia in diá mopotaa-taau mako kon i inekadon kon Sia tua in ki Mesias.

MATIUS 17:9

Kon dodai in mosia nosiḻigdon nongkon buḷud tatua, ki Yesus nobogoi in koyow kon i monia, “Donaai oumanon monimu kon i ine kabí in onu inta aindon inontong monimu tatua kon wakutu in ki Adí Intau diápa biagon bui kon sigad in intau minatoi.”

MATIUS 3:15

Táe ki Yesus in notubag: “Pomayádon mako, diábí nongonu, sin natuabí in kita aka mogintompod kon bayongan inta kinoibog i Allah.” Dá binaptis domandon i Yohanes in Sia.

MATIUS 5:17

“Donaaidon sangkaan monimu, kon Akuoi in mamangoi momopat kon hukum i Musa andeka buk mita in nabi. Akuoi in mamangoi deemanbí momopat kon tua, táe mogintompodbí.

MATIUS 6:1

“Pokotoropdon, donaai moiko mogaid kon onu inta pinarenta in agamamu kon tayowon intau sinbá koontongan monia. Sin aka natua yo diábí in mangaḻenea, bo ki Amámu inta kon soroga in doíbí in natua.

MATIUS 9:30

Dá nokoontongdon in mosia. Bo ki Yesus nongoyow totok kon i monia, kon donaai oumanon kon i inekabí in onu inta ain nobaḻí tanaa.

MARKUS 13:9

Musti mokopoingat in moiko sin domokon bo pokisidang kon mahkama agama. Moiko in bongkugon kon baḷoi mita pososambayangan. Diaan in moiko potayow kon mongongawasa mita bo datu popisí in moiko in murí-Ku mita. Bo tuata in kasampatan monimu mongonguman kon i monia soaḷ Akuoi.

MARKUS 3:12

Táe ilarang totok i Yesus in dimukud mita moraat tatua in mopotaau kon ki ine in Sia.

MARKUS 5:43

Táe ilarang totok i Yesus in mosia in mopotaau kon soaḷ tatua kon i inekadon. Sia noguman, “Ogoiaidon in kaanon in adí tanion.”

MARKUS 6:11

Táe aka moiko bo moibayá in tobatú tampat, bo intau mita kon tua doí motarima bo doí mokidongog kon i monimu, yo taḷaaidon in tampat tatua. Bo topiraidon ḷobud nongkon sioḷmu saḷaku tompoingat kon i monia!”

MARKUS 7:36

Bo ki Yesus nolarang kon i monia komintan in mongonguman kon soaḷ tatua kon i ineka. Táe námai tua in pololarang i Yesus, táe námai tua doman in poposiar magí-mako monia.

MARKUS 8:30

Dá ki Yesus nopotoingatdon kon i monia, sinbá diá mopotaau kon i inekadon in soaḷ Sia.

MARKUS 9:9

Wakutu in nosiḻigdon nongkon buḷud tatua in mosia, ki Yesus nongoyow kon imonia, kai-Nia, “Donaai potaau monimu kon i ineka onu inta inontong monimu koina aka ki Adí Intau diápa biagon nongkon kinopatoian.”

LUKAS 17:14

Dá ki Yesus in nobobui kon i monia bo noguman, “Bayádon bo pokiindoi kon i imang mita in awak monimu nion.” Bo kon daḷanpa in mosia, nopiadon takit monia tua.

LUKAS 21:13

Tua in kasampatan monimu mopoyaput in Habar Mopia inta nongkon i Allah.

LUKAS 4:41

Dimukudpa mita moraat in iḷumuai nongkon moantó intau, sindaḷan kumarak bo moguman, “Iko nion in ki Adí i Allah!” Táe totok in sinorúan i Yesus in mosia bo diá inogoi mosingog sin kotaauandon monia kon Sia tua in Datu Mopoposaḷamat.

LUKAS 5:14

Tongá diá inogoi Yesus in intau tatua moguma-guman mako kon intau ibanea kon onu inta ain inaidan-Nea tua. Táe pinotabá-Nea in intau tatua, “Bayádon in iko kon i imang bo ḻibó poḷat pokitantú kon inia kon iko in totu-totuu bidon nopia. Mopaḷut mako kon tua bayá in iko pobogoi kon kuruban ná inta pinarenta i Musa, sin tua in mobaḻí bukti kon intau mita kon iko in totu-totuu bidon nopia.”

LUKAS 8:56

Guyanga in adí tatua totok in noherang in nokoontong. Táe onu inta ain nobaḻí tatua diábí inogoi i Yesus potaa-taau mako kon i inekabí.

LUKAS 9:21

Bo ki Yesus in noguman kon murí-Nea mita, “Donaai poguman magí-mako monimu kon i inekadon.”

YOHANES 5:41

Akuoi in doíbí mokidayow kon intau.

YOHANES 7:18

Intau inta motundú kon onu in kinoibognea tontaní, sia tua i motayakbí kon bá horomaton. Táe intau inta moramuji sinbá horomaton in ki Inta nopotabá kon inia yo mojujur in sia tua, bo diábí in uboḷ kon inia.

YOHANES 8:50

Akuoi in diábí motayak kon kahoromatan-Ku tontaní. Oyúonbí in mobogoi in kahoromatan kon i-Nakó. Sia tuata inta mohakim.