MATIUS 8:34 - Alkitab Singog In Mongondow Masa In Tanaa

³⁴ Nokodongogmai kon tua, iḷumuaidon komintan in intau kon kotá tatua bo minayá kon i Yesus. Naonda in noyodungkuḷ i Yesus, mosia nopoigum totok kon i-Nia sinbá monaḷámaidon kon ḻipú tatua.

MATIUS 8:34 ပူးပေါင်းရင်းမြစ်များ

DATU MITA IMITÁNEA 17:18

Bo boba-bobay tatua in noguman kon i Elia, “Mogogundoi i Allah, nongonu popoaidbí i Amá in tanaa kon inakó? Degá namangoi in ki Amá sinbá kotoropan i Allah in dosaku, noiyaput in matoi in ki adíku?”

DATU MITA IMITÁNEA 18:17

Kon dodai in ki Ahab nokoontong kon i Elia, ki Ahab nomaḷú, “Naa in sia mononuyayow kon i Israel!”

AYUB 21:14

Bokaka mosia in nogumandon kon i Allah, “Pokoyayúdon kon inami bo bayádon! Kami in doíbí mopandungmai bo doíbí motayak kon mangaḻe in makusud bo ibog-Mu kon kobiagan nami.”

AYUB 22:17

Mosia tuata inta mokobaḻí mogindoí kon i Inta Totok in mokawasa, bo kainia kamai diábí in Sia mokoaid kon onu bo onu kon i monia.

AMOS 7:12

Bo ki Amazia in noguman kon i Amos, “Ei Nabi, pobuidon kon Yohuda! Pohutubadon kon tua. Pobiódon mako sinbá mosia in mopokaan kon inimu!

MATIUS 8:29

Taya dua nomaḷú noropot, kai monia “Onuon-Mu in kami naa, ei Adí i Allah? Iko mamangoi degá mopoyoyiga kon inami umpaka deemanpa wakutunea?”

LUKAS 5:8

Nokoontongmai kon natua in ki Simon inta dinonoi ki Petrus, sinumungkud in Sia kon tayowonmai i Yesus bo noguman, “Taḷaaidon in akuoi naa Tuhan! Sin akuoi naa intaubí baradosa!”

LUKAS 8:28

Naonda in sia nokoontong kon i Yesus, kinumarak in sia bo sinumungkud kon tayowonmai i Yesus bo nomaḷú, “Ei Yesus, ki Adí i Allah inta Totok in Moḷantud! Onuon i Tuhan in akuoi naa? Poigumonku totok kon i Tuhan, dika rorigaan in akuoi!”

OUMAN IN RASUL MITA 16:39

Bo mosia in minayá nopoigum maap kon i Paulus bo kon i Silas, poḷat pinoḷuaidon monia kon ponjara tatua in mosia bo ḷagi pinarentaan kon bá monaḷámaidon kon kotá tatua.

ULANGAN 5:25

Táe nongonu sin kami in mustipabí mopotaru bui in nyawa nami? Tuḷú inta motoyang tatua in momagong kon inami! Moyakinbí in kami kon matoibí in kami aka mokodongog kon ki Tuhan Allah mosingog bui.

SAMUEL 1 16:4

Ki Samuel nomia kon ná inta pinoguman i Tuhan. Naonda in sia nodapot kon Betlehem, itoi mita in kotá kon tua nonontomu kon inia takin noitaḻikokog bo noḻibó, “Degá kinoangoian i Amá naa in mokopoangoi kon saḷamat?”