MATIUS 8:33 - Alkitab Singog In Mongondow Masa In Tanaa

³³ Bo moḷoḷukad mita kon boké tatua in noḷagui. Naonda in nodapotmai kon kotá nodait inouman monia in onu inta aindon nobaḻí. Inouman doman monia in intau mita inta kinotoḷangan in dimukud mita moraat tua.

MATIUS 8:33 ပူးပေါင်းရင်းမြစ်များ

MATIUS 4:24

Onu in inaidan i Yesus tua noisiardon kon bayongan ḻipú kon Siria, dá diniadon monia pinobayá kon i-Nia in bayongan intau inta nongotakit noonggotdon. Noyagi-yagimai in takit, oyúon in kinotoḷangan in dimukud moraat, oyúon takit in manuk, oyúon in diá mokobayá, mosia nopia mita i Yesus.

MATIUS 8:16

Naonda in noungkoḷomdon, mobarong in intau inta kinotoḷangan dimukud moraat in dinia mangoi kon i Yesus. Bo tongá takin tosingogon totontagá ki Yesus noguntun kon dimukud mita moraat tatua bo nongundam kon intau mita inta nongotakit.

MATIUS 8:32

Dá ki Yesus noguman kon i monia, “Bayádon!” Bo iḷumuaidon in mosia kon intau doyowa tatua bo sinumoḷang kon boké mita tatua. Bo paanan in boké tatua iḷumanduk kon pompang kon bonu in danow, bo noḷomot.