MATIUS 8:30 - Alkitab Singog In Mongondow Masa In Tanaa

³⁰ Diá noyayú kon i monia tua, oyúon in paanan boké inta koyogot motayakmai kon kaanonnea.

MATIUS 8:30 ပူးပေါင်းရင်းမြစ်များ

YESAYA 66:3

Táe bangusa tatua in mogaid kon onu in koibog monia; mopia in gina monia kon pooibada inta mokorongó. Kon i monia diábí in yoposinea: mopokuruban in sapi koḷakian bo mopokuruban in intau, mopokuruban in ki adí in domba bo momutoḷ kon sigogow in ungkú; moposumba in gandum bo mopokuruban in dugú in boké, motubá kon kamania bo mosumba kon patong.

IMAMAT 11:7

Dika mokaan kon boké. Mahaḷuk tatua in haram, sin umpaka konukunea noḷosi, táe diá in sia mongongguyom.

MATIUS 7:6

Donaaidon moiko mobogoi in barang inta mokudus kon ungkú. Bo donaai moiko mopogarab in mutiaramu kon boké, sinbá diá tongá rita-ritakannea mako intua bodongka mobuimai moyingki-yingkit kon i monimu.”

MATIUS 8:29

Taya dua nomaḷú noropot, kai monia “Onuon-Mu in kami naa, ei Adí i Allah? Iko mamangoi degá mopoyoyiga kon inami umpaka deemanpa wakutunea?”

MATIUS 8:31

Dá dimukud mita moraat tatua in nopoigum kon i Yesus, “Aka untunon-Mu in kami, yo potabádon kami tumuot kon boké mita tatua.”

MARKUS 5:11

Dodai intua, kon oyukmai in buḷud kon tua nobayong boké inta koyogot motayakmai kon kaanonnea.

LUKAS 8:32

Nodiug kon tua oyúon in boké noantó inta koyogot motayakmai kon kaanon monia kon oyukmai in buḷud, dá dimukud moraat tatua nopoigum kon i Yesus, sinbá ogoi in mosia mayá tumuot kon boké mita tatua. Dá dinuduian i Yesus onu in pinoigum monia tua.

ULANGAN 14:8

Dika mokaan kon boké. Mahaḷuk tatua in harambí, sin umpaka konukunea nobotak, táe diá in sia mongongguyom. Tapúnea in diábí motaau kaanon, aka minatoi diábí motaau ḻiaion.